أي مرشح بعضوية مجلس الأمة او وزير بالحكومة عليه أن يؤدي القسم الدستوري حسبما ورد في النص وهذا معروف لدى الجميع فيما عدا أعداء الدستور اللي حاولو اثبات حالة إن القسم مو شرط يلتزمون فيه بالحرف الواحد!!
طبعا الربع المدونين وانا مافي شك كنت معاهم في رفض ما نطق به النواب اللي أخطؤوا في القسم الدستوري لكن الشي اللي لفت انتباهي هو قسم د.موضي الحمود وزيرة التربية ووزيرة التعليم العالي اللي قالت بالحرف
"أقسم بالله العظيم أن اكون مخلصة.." إلى آخر القسم الدستوري
يعني بدال ما تقول "أن اكون مخلصا.." قالت مخلصة
شلون تقوم بتأنيث القسم!!
ليش مافي أحد تكلم عن هالنقطة حتى الوزيرة لابد عليها إعادة القسم وإلا راح نعتبر نفسها متناقضين!!
الرجاء من اللي يمون على د.موضي الحمود يقولها هالشي وبطريجه يكلم لنا جاسم الخرافي ينبهه على هالنقطة وأيضا يشوف لنا صالح الملا وأحمد السعدون علشان يحتجون على قسم د.موضي الحمود اللي نحترمها.
