09 أكتوبر 2010

ابي الجواب؟!



اعترف لجميع قراء المدونة الكرام بأني كنت "مالي خلق" للانترنت ولا حتى متابعة الجرايد خصوصا من تاريخ 26 رمضان الماضي، لكن بحكم اني اداوم في بلد كل كلامنا سياسي وأكلنا سياسي وشربنا سياسي، حتى ان الطماط صار يأثر داخل مجلس الامة وكاد الامر يوصل بصعود سمو رئيس الحكومة علشان سحارة طماط؟!

عن نفسي ماني من عشاق فاكهة الحب، ولا اصلا من رواد سوق الخضرة، بل اني افضل تناول العديد من الوجبات اللي يكون اول الخارجين منها الطماط، لكن بعد ما شفت ان سعر سحارة الطمطاط وصل لسعر الدينار واكثر في بعض الاحيان، وفي السوده السوده ممكن يوصل إلى 900 فلس!!

المسؤول وراء ارتفاع سعر سحارة الطماط منو؟!

ليش ما ارتفع البصل والخيار والبطاط؟!

هل لأن ديرتنا ديرة بطيخ؟!

هناك 9 تعليقات:

الوتيــــــــــن يقول...

والله مايندرى يابن غيث بس اللي اعرفة الحين إنه إذا كان الكلام من ذهب فالسكوت من طماط

sa5er يقول...

وصل 900 فلس بالمزرعه وبالديره 3 دنانير يا يبه !

والحمدلله على السلامه !

ebtsamh يقول...

كلنا نبي جواب :)

Basees يقول...

قاعدة العرض والطلب في السوق تنطبق على السعر والطلب أيضاً وتجري كالآتي:

إذا أرتفع السعر، خاس الطماط.

الجودي يقول...

الموضوع ببساطه لآن الطماط في الكويت مثل البورصة يطلع سعرة و يوصل لي السما و ينزل سعره مرات لي الأرض و لي نزل يبيعونه بكرتون الموز ...

يمكن لآن معروف هالشي لقوا إن التلاعب فيه وايد سهل ..

احتمال

زائرة الليل يقول...

لاحول الااله احتمال ازمة الطماط صارت سياسية
بس الحين شسبب الللي رفعة رفع

سؤؤال يطرح نفسة

Engineer A يقول...

ولكم باك :)

غريب يقول...

السبب حسب قول المسؤلين العرب :(
إرتفاع دولي في أسعار الطماطم
و هم مالهم ذنب:(
مساكين...
أما في السوق فالمبرر قلة محصول الطماطم لخورج موسمه مع زيادة في الطلب أدت الى ارتفاع جنوني للمجنونه بلا رقيب ولا حسيب وبلا حد معين للإرتفاع ولاحد من المسؤلين مهتم (صلصه صيني تسد)
زمان أيام الحقب البائده كان في لمحة نظام وظبط لما يمس بطون الشعوب أما اليوم فعيون النظام تتركز على كل ما من شأنه تجويع الشعوب وإشغالها بقوت يومها وبأسعار الخس والبطاط والطماط
أما الصيد واللحوم فالناس يئسوا و ملوا من متبعة ارتفاع أسعارها
والله يستر لايجي يوم نتابع أسعار استخدام الارصفة والطرقات

تدوينه تحاكي ألم

لك مني تحية وسلام

الجـــوري..كـــلام الصمــــت يقول...

ياليتني طماطه..مخلوطه بالخلاطه <<حيل قزرت عليها ؟

اي دينار وصلت السحاره ب 5 !!

مادري شنو الزود بالطماط ؟وشمعنه!!

واللي ورا هالزياده منو!! وشمعنه هاصنف !!

انا اقول هذيلا قوم ياكلون ومايشبعون ومصووو دم الاوادم ولا اظن بيشبعون!!


لكن الشرهه مو عليهم على البطيخ اللي معطيهم فيس

ولا الطماط قام يتفلسف

والله زمن