كل يوم يزداد قطعي الشك باليقطين ان مستوى خدمات شركات الاتصالات بالكويت سيئة بل تجعل الواحد فينا وده يرجع على قوطين سانكيست ويوصل بينهم حبل ويسويه تلفون بدال البهدلة والاسلوب اللي تتعامل فيه هالشركات مع الناس!!
واليوم خبر اقتصادي ابصم لكم بعشرة اصابع انه ما راح يزيد ولا ينقص من مستوى خدمات الشركة بحق مستخدمينها واحتمال يزيدون سعر المسج او المكالمة الوحدة حتى "نظام الرنة الواحدة" ما اتصور بيطوفونها علينا!!
نقاط خدمة الزبائن في المجمعات ما عمري وقفت بالدور او حتى خطرت اللي جدامي الا والموظف يجاوبني "سامحني ما اعرف راجع الرئيسي ..اسمح لي اتصل على 107؟" انا بعرف شحقه حاطينكم زينة ولا تبون تعلون جبدونا!!
هناك 9 تعليقات:
اي والله يا بدر توني شاري جهاز بلاك بيري فيه خلل بالتحكم بدلوه وليلحين نفس الخلل موجود.. مالي خلق ابدله مرة ثانية
باعوها خلاص
:)
اووووف لو اعدد لك انا بعد ما اخلص الكل يدري بهالشي بس شنسوي حكم القوي
والله ذاك اليوم واقفه بالمهلب انطر دوريطبعا طابور الرياييل ماشي اما الاخ الي ماسك دور الحريم كل ساع اتبوسم ابوي وحده ومحنا خالصين لا وهذا برموضان ..جان اكسر القاعدهو اصفلكم مع الرياييل والله بسرعه خلصت وذاك ليلحين ..خرطي
افشل شركات اتصال في الكويت, ولله الحمد والمنة.
تحياتي
علي اخوي
افا صرت منهم!! لا تكلمني الا بعد 3 ايام راجع وحدة الاشعة وبالشفاء العاجل!!
اتغشمر:)
مطقوق
انا عن نفسي متمسك برقم تلفوني وبكروت الايزي احسن لي!!
طموحة
لو يوم واحد ما نستخدم التلفون تدرين شنو يصير؟!
واحد من الموظفين يرسل اشاعة علشان ينعش تحصيلهم للمكالمات والمسجات!!
شيمونا
انا وقفت بالدور 15 ساعة فقط علشان اسأل عندك كرت ايزي؟
شان يقولي
مادري!!
يانغ
خلني ساكت انا ابي اصوم!!
D:
ترددت قبل لا أشتري الجهاز بس جهازي امنتف وهذا أنسب جهاز من حيث السعر والمميزات..وشين عرضهم زين فشريت :)
آسف على الإزعاج النوبة الياية ما أشري غرض من هالنوع P:
الحجي عليهم وايد والله ..
بس شنقول غير،.. إن حاجتنا عندهم..!
اخوي علي
عليك بالعافية البلاك بيري : )
امبيتوس
هذه القمندة!!
إرسال تعليق