05 سبتمبر 2009

آه يا بلد الكل يبجي عليج!!




آه يا بلد الكل يبجي عليج

آه على الولد اللي نسى عادات الفريج

كنا نقول كلنا كويتيين الحين صرنا متفرقين

كان الجار قبل الدار وصرنا نحسد بعض بقلوبنا شايلين

متى صرنا شيعة وسنة متى نقول هذا بدوي وهذا حضري!!

يا الربع تكفون وين وحدتنا صارت الشعارات كلها خرطي

يا جماعة شنهو تغير من بعد البرمة ثلاجة

وين المشكلة صارت الناس بالشوارع دفاشة

ليش ننطر المصايب توحدنا مو كافي الغزو دمرنا

وينك يا عبدالله السالم احنا من غيرك غرقنا

مابقى بالبلد شي يفرحنا اذبحونا بالواسطة!!

تبي قرض واسطة تبي وظيفة بواسطة تبي يحترمونك حتى هذه تبي واسطة!!

ماطلبنا المستحيل نبي الديرة تصير بعد ماصارت بالفساد لاصقة!!

أه يا بلد الكل يبجي عليج

=============

تأثرت وانا اقرأ للشاعر الرائع بوعبدالله براك الصوري العزيز..

هناك 3 تعليقات:

Barrak يقول...

إحنا تلاميذك ياخوي

الدســتور يقول...

بلاوي العولمة

كاريكاتير يقول...

براك

العفو انت الاستاذ والملهم وصدقني ما اقاشيك بشي وترا هذه فصله كيبودية لا اكثر ولا اقل ويبقى الاصل باللي تتحفنا فيه

ابو الدستور

انا لو اقعد مع بيل غيتس شرط اخلي بطارية السيارة تعتمد على الغبار والرطوبة!!

جربني منت خسران!!