19 يناير 2010

منو مثله!!




ليش ما نصير مثله كل من يخاف على خله

ليش صارت الوطنية أغنية او طار نبي نشقه!!

ماعاد بينا لا ثقة ولا رحمة المهم عندنا نطلع من الزحمة

بالصراخ صرنا نتفاهم وين القانون وين الحكمة!!

ناس تشقى وتتعب وناس تترقى وهي منسدحة بالغردقة!!

الديرة عند البعض مجرد جواز يحميهم بأوقات المحنة

الحكومة عندنا خصم والمجلس صار حنة ورنة!!

هناك تعليقان (2):

Super Sara يقول...

سـؤال صعب !
لأن اللعب صار عالمكشوف و احنا مو قادرين نوقفـه ..
الديرة قاعد تنباق على الهواء مباشرة
صفقات و اتفاقات على الورق !
و ملايين.. و ميزانية 2009 .. أكبر ميزانية في تاريخ الدولة على شنو راحت!


ما نـدري ليش محد راضي يصيـر مثله
و المشكلة ان اللي مثله محد يشوفهم و لا يسمعهم و لا يحس فيهم !!


:

كاريكاتير يقول...

سوبر سارة

المطلوب من اللي مثله!!

يعتبر المال العام ما راح بعيد وانصرف في سبيل سعادة شوية حرامية!!

المطلوب اعتبار القانون مجرد حبر

المطلوب ان نعيش في وطن من دون ان نصرخ من الألم لأنه افضل من الصراخ من شدة الجوع!!