26 فبراير 2010

ابتلشنا بالعقد مرة ثانية..!!




كتبت هذا الموضوع قبل سنة تقريبا

حاولت اكتب واحتفل مثل غيري لكن في النهاية قلت مافي غير هالموضوع اللي كتبته يصلح لمثل هذا اليوم!!


ابتلشنا بالعقد؟!

اضغط على العنوان اللي فوق وشوف هالموضوع!!

هناك 6 تعليقات:

panadool يقول...

سو المسيره بخط صبحان

وعط الشرطه مطاعات كهربا

وأمنع الهلاقه بالبحر بسحب السيارات

عطهم العين الحمرا بدون رحمه وبدون واسطه

سنه أو سنتين ويصير عيد الصابون من الماضى

شفت لما يبون يشيلون الديوانيات شنو سووا ؟؟؟؟

أو لما يبون يمنعون الفرعيات ب 2008 شنو صار ؟؟؟

الله يعين الكويت

تحياتى الحاره

ma6goog يقول...

كل عام و الكويت بخير

justice maker يقول...

ع الجرح بالضبط ... بس ماكو فايده اتوقع لو تعيد هالبوست لي ٥ سنوات جدام راح يظل الحال على ماهو عليه والعقليات اهيه العقليات والعقد اهيه العقد .. الله كريم :)

كاريكاتير يقول...

بندول

ليش المسيرات الفوضوية 2010

انا اذكر كنا نطلع مسيرات التحرير 1991

كان الواحد بالكثير يطلع راسه من التنته يرفع علم والحريم يصفقون ويببون..

محد كان ينزل يرقص رقص الهيلق!!

ليش ما نتجمع في الاندية الرياضية يسوون حفلات مواهب شبابية يغنون ..

الحدايق العامة وينها؟

هذا الاستثمار الحقيقي للاحتفال

بالسينما يحطون افلام عن الكويت بالغزو شنو صار فيها وسعر التذكرة نص دينار..

الفرعيات وازالة الديوانيات كانت ردة فعل

احنا لازم نجتاز ردة الفعل ونصير فعل؟

تحياتي الاحر لك :")

مطقوق

وانت والاهل بصحة وسلام وأمان

صانع العدالة

صدقني لو كل واحد ينظم للأهله برنامج احتفال ويطالب الجهات المسؤولة بمحاسبة اللي يخربون الاحتفالات صدقني راح تتغير وايد امور

sarona يقول...

اي والله

الله يرحم ايام زمان

صار كله يهالوو

و لا حاطين ببالهم اصلا ليش يحتفلون اصلا

بس اللي حاطلك اغاني و يترقص و لا المشكلة اغاني مو وطنية


لا تعليق بس

كاريكاتير يقول...

سارونا

الداخلية ما الومهم...

المشكلة مشكلتنا احنا المجتمع والاهالي

اولياء الامور يهدون عيالهم بالشوارع

المشكلة بالاهالي اللي يسمحون لعيالهم يشترون فومات ويرشون على الناس ويقولك خلهم يهال..زين هاليهال رشو على ناس وردو عليهم برش ..هم بتقول يهال ولا عيالك حلال عليهم وعيال غيرك حرام!!