خلني ساكت....؟!

صج موقف :)

الجهراء بلا كهرباء!!!!!!!

يبيض الويه!!

ذياب دايخ ذيب بنيدر!!

صعب علي أخمن متى راح تنحل مشكلة البدون بدولة صغيرة جغرافيا عفيسة سياسيا، تنمو بشكل طبيعي سكانيا، فمشكلة البدون واللي مرت بمسميات ومراحل حتى بلغت أربعة أجيال كشهود عيان على هذه القضية الإنسانية.

عندي شوية أسئلة ياريت اللي فاضي يجاوبني عليها..

اللي يدعي ان البدون كلهم خاشين جناسيهم تحت الكاشي!!

يعني معقولة 100 ألف من البدون كلهم عندهم جناسي؟!

راح نفترض ونقول ان 99,9% من البدون عندهم جناسي!!

ممكن نعرف ليش الحكومة من سنة الاستقلال ولغاية لحظة كتابة هالموضوع ما اكشفت عن جناسيهم ليش؟!

هل معقولة دولة مؤسسات ووزارة بحجم وقدرة وزارة الداخلية ما يعرفون شنهي جنسية فلان وشنهي جنسية علنتان؟!

أحد يفسر لي دافع البدون العسكريين والمدنيين في الدفاع عن الكويت في الحروب العربية وفي حرب تحرير الكويت وأثناء الاحتلال العراقي الغاشم؟!

زين خل اتخيل ان كل ما سبق من أسئلة تم تفنيدها !!

سؤال

كم عدد الشهداء البدون الذين يحصل اهاليهم على استحقاقتهم خصوصا في مسألة الجنسية واللي أكد عليه المرسوم الأميري واللي يقره قانون الجنسية الصادر عام 1959؟

زين

راح اسوي نفسي مقتنع بإجابات كل ما سبق..

ركزوا معاي

...
...
...
...

إنسان ممنوع من حصوله على إثبات يوم ميلاده!!

إنسان ممنوع من توثيق زواجه!!

إنسان محروم من التعليم!!

إنسان محروم من الرعاية الصحية!!

إنسان محروم من حقه في العمل!!

إنسان ما يملك هوية تثبت إن اسمه كذا ولد كذا!!

إنسان تدعي الدولة إنه مو مواطن ولا عنده جواز سفره وين يروح!!

إنسان ندعي إنه ساكن في منطقة سكنية مع إن "الصليبية" ما تصلح للقطط" من تلوث وانعدام خدمات وانفلات أمني!!

شنو تتوقعون مستقبله؟!

يصير عالم فضاء بوكالة ناسا..!!

يصير لاعب كرة مشهور ويفوز بكأس العالم بإسم الديرة اللي مو معترفه فيه مواطن!!

يصير شبه إنسان وبالإمكان يتحول لمجرم مدمن قاتل مروج إرهابي وأقل شي يتحول إلى حامل أمراض وأوبئة اجتماعية ونفسية يهدد أمن ومستقبل بلد صغير!!

فكرو فيها!!

اليوم اذا ما حلينا قضية البدون راح ايي يوم تكون هالقضية سبب في اعتبار الكويت دولة معادية لكل مفاهيم حقوق الإنسان حسب مسطرة الكونغرس الأمريكي وحسب مجلس حقوق الإنسان وكل المنظمات الدولية لحقوق الإنسان حزتها خل نشوف منو فينا يقدر يرفع راسه ويقول ان الكويت دولة محترمة وتحترم الإنسان!!

منو مثله!!

ليش ما نصير مثله كل من يخاف على خله

ليش صارت الوطنية أغنية او طار نبي نشقه!!

ماعاد بينا لا ثقة ولا رحمة المهم عندنا نطلع من الزحمة

بالصراخ صرنا نتفاهم وين القانون وين الحكمة!!

ناس تشقى وتتعب وناس تترقى وهي منسدحة بالغردقة!!

الديرة عند البعض مجرد جواز يحميهم بأوقات المحنة

الحكومة عندنا خصم والمجلس صار حنة ورنة!!

علي بابا وين أيامك!!

سؤال صعب!!

ربيع يسرق "حقوق ملكية" شركة فسادكو!!

دعوة لاكتشاف السرقات السبعة!!

آخرة الديموقراطية!!

قالها محمد لويس؟!

صير ريال...؟!

ناس ماتستحي؟!

من طلب العلا...؟!

ضميره يعوره!!

وينهم؟!