09 يونيو 2009

لا تسبح!!

هناك 7 تعليقات:

Mr_CHoCoLaTe يقول...

استغرب ان بعض الناس تقول : يا عمي الكل يبوق ليش ما ابوق و اسوي فساد

ما ادري ليش ما تفكر بالذمه و بالحساب ، ترى هذي دنيا بتودينه للآخره بالنهايه

ياريت لو ترتب بلوقك اكثر ، استغرب عرض فقط موضوعين في الصفحه الوحده ليش مو اكثر

Um il sa3af wil leef يقول...

مرده يغرق

كاريكاتير يقول...

مستر ككاو

هذيل اللي يقولون جذيه..من ضعف الحيلة!!

وطبعا ما ألوم البعض اذا شاف الحرامي يبوق وفي ناس تهنيه وتصفق له وتعاتبه ليش ما بقت أكثر؟!

شكرا على ملاحظاتك وانا في عالم التدوين والانترنت ترا "دجه" والمدونة اساسا محتاجة اعادة برجمة حسب كلام الخبير!! وتلبية لطلبك راح يكون في الصفحة أكثر من موضوعين بس لاتزعل وحساب الجاي علينا!!

ام السعف والليف

هذيل عندهم من يشيلون ولا السجون ما تنترس الا من الحرامية الصغار!!

Manal يقول...

لا طبنا ولا غذا شرنا

يعني اذا ما اقدر لازم ادخل معاكم باللعب

:(

صح

الكاريكتير بالصميم

بس لي متى

والله تعبنا

ليش ما نوقف بوجه الكل وادري ان نحتاج سنين طويلة
بس ما عندي مانع

ونبدأ مشوار الالف ميل بالصد والرد
مرة ومرتين وعشر

لما ينصلح حال الديرة

الله يفرجها على الكويت والي يحب الكويت

كاريكاتير يقول...

اختنا منال

يحضرني قول الشاعر الكاميروني اللي قال


صج ديرتنا ديموقراطية

القرار فيها بالاغلبية

والاغلبية بيد الاقلية

والاقلية شوية حرامية

والحرامية بوقاتهم علنية

اما الفقير صاحب الضمير

من ينطق بالحق حقه يطير

اما انه يتأذى او اللقمة لغيره تصير

حتى القانون ما يطول المجرمين

عارفين يطلعون مثل الشعره من العجين

ما يستحون ما ينختون لديرتهم يبوقون

واحنا للأسف عارفين وساكتين

لكن بظل أصرخ حتى لو بح صوتي بصرخ

لحين ما تصحى يا وطن

لحين ما تصحى يا وطن

لحين ما تصحى يا وطن

بظل أصرخ,,أصرخ!!

Manal يقول...

صح لسانك

غير معرف يقول...

طريجهم سالك...