25 يونيو 2009

شلون تعرف إنك كويتي؟!



بعد البحث والتحري عن طريقة جديدة لاختبار النفس بأسلوب علمي حديث طلعت بمجموعة أسئلة أرجو الإجابة عليه بتأني..


شنو أكثر شي يزعجك وانت بعز الزحمة؟!
o واحد مليق يتصل فيك!!
o اللي وراك يطق هرنات!!
o تتذكر إنك ما نظفت أسنانك بالفرشة والمعجون!


شي ما تبيه يصير معاك وانت قاعد بمطعم مع ربعك؟!
o تخلي طلباتهم على حسابك وتكتشف أنك ناسي البوك!
o يسلم عليك واحد من الشباب انت حاقره من اسبوع!!
o يطيح عليك صحن المرق ويضحكون عليك الربع!!


شنو الأمنية اللي ودك تتحقق وأنت قاعد بمحاضرة بالصيفي؟!
o تنطفي الكهربا وتلغي المحاضرة!!
o يطيح بالأرض الدكتور وتضحكون عليه!!
o يقوم الدكتور بإحراج واحد مليق معاك بالمحاضرة !!

شغلة ما ودك تصير وأنت بالسينما؟
o بنص الفيلم يمرون جدامك 5 شباب يدوسون ريولك!!
o يقعد جدامك واحد يغطي عليك الشاشة!!
o يقعد يمك واحد داش الفيلم ثلاث مرات ويشرح لصاحبه القصة!!

شي دايما يصير معاك وانت بالمطار؟
o تطير عنك الطيارة وحضرتك نايم!!
o الطيارة فيها عطل أو الطيار ناسي مفتاح الطيارة!!
o جوازك منتهي او ماخذ جواز أخوك بالغلط!!


بعد ما جاوبت على الأسئلة اللي فوق تأكد إنك كويتي وعايش بالكويت!!


قريب

شلون تعرفين إنك كويتية؟!

هناك 5 تعليقات:

غير معرف يقول...

ههههههههههههههههه

سؤال حق الكويتية :


أول ماينزل المعاش عى شنو يطير :

بدلة استقبال يديدة

مجموعة مكياج جديدة

هدايا ومجاملات



أول أولويات المرأة الكويتية :

خدامة حق اليهال

كشختها

طاخة حق الزوج

enter-q8 يقول...

عاد تدري بدر قاعد اسويها على الفيس بوك اشلون تعرف انك كويتي قح
بس تكيسلت

كاريكاتير يقول...

الاخ "اربعة"

ج1-جميع ما سبق
ج2-مافي اختيارات اخرى!!


اخونا بووليد

من سبق لبق!! وما عليه تدري خل نسوي دويتو ونسوي كتاب احصاء كويتي..

غير معرف يقول...

وأنا مندمجة في الإجابات أثاري بس حق الشباب ؟؟ يلا ننطر "شلون تعرفين إنك كويتية؟!"

كاريكاتير يقول...

ايفيز هارت

نطريني وين اشارة صبحان قبل أسواق القرين هناك راح انطرج!!


اتغشمر

قريبا شلون تعرفين انج كويتية؟!