29 يوليو 2009

حوت المارينا عطاني 100 دولار!!




قبل ساعتين تقريبا اتصلو فيني برنامج الديوانية وقالو لي "مبروك انت فزت معانا بمسابقة الديوانية لسؤال اليوم"، واللي كان عن أظرف تعليق حول "ليش الحوت دخل المارينا؟"

انا كنت داز مسج وانا راد البيت وقلت فيه التعليق التالي..

"الظاهر الحوت ياي يحجز تذكرة دينار ونص قبل الزحمة!!"

وفاز هالتعليق بجائزة المسابقة اللي عبارة عن 100 دولار أمريكي، طبعا بعد تبشيرنا بالخبر، قعدت اطامر مع بنتي فطوم اللي كانت اهي ويه الخير علينا، حصلنا 100 دولار من الهوا والسبه الحوت اللي ضيع بطريجه ودخل المارينا.

طبعا هذه المرة الأولى اللي اربح فيها هدية من برنامج سواء تلفزيوني او اذاعي، وشكلي راح "احنط" 100 دولار وابروزها بالصالة واكتب عليها صاحب التعليق الظريف!!

هناك 14 تعليقًا:

Miss-Q8 يقول...

loooool
أول شي مبروك عليك الـ 100 دولار
و انا ااوافقك انك تحنطهاو تخشها لين يرتفع سعر الدولار و بعدين للكويتي Pp:

Um il sa3af wil leef يقول...

100 دولار ؟ عاد هذا مبلغ ؟
حتى ما يسوه الفرحه حقه.. أصلا الفرحه ما يمديها توصل لحد بلعوم الواحد الا إنزلت وتذكرت إن ما تسوا الفرحه
نبيك تفوز بمليون الدانه

Salah يقول...

مبروك... تستاهل

وعقبال المليون
:)

غير معرف يقول...

إشتر فيه جم كيلو سمج ميد ووكل الحوت المسكين

أبو الدســتور يقول...

افا
انت ماربحت قبل بشوووت

Hashimoto يقول...

lol
عالبركة عالبركة يستاهل استاذنا
=)

ma6goog يقول...

الف الف مبروك

عيون إعلامية يقول...

لووووووول تستاهل أكثر من 100 دولار :))
طول عمرك دمك خفيف و صاحب تعليقات حلوووة :))
بس لازم تعطيهم حق فطوووم عشان اهي ويه الخيييير :)

سوق الفرضه يقول...

مبرووووك ...
وبالعافيه ...
وانصحك انطر لاتصرفه لأن الدولار راح يصعد بالأيام اليايه :)) ..
ولا أقولك.. عن العين طيّح لنا عشا بالبلوق مالك علشان تتهنى بال 100 دولار .

رزنامـــــة يقول...

ياريتها كانت 100 دينار لو دولار
قاصين علينا بالدولارات عبالهم عايشين في لبنان لووووول

مبرووووووووووووووووك

نون النساء يقول...

حلوين
فيهم قالبين مالوت السيليكون ههههه

كاريكاتير يقول...

منال الكويت

راح احنطها ولو يصير سعر الصرف الاعلى بتاريخ الصرف الدولي ما راح انزلها من الطوفة وتصير تذكار!!

ام السعق والليف

مليون الدانة قالو لي تعال فوز قلت لهم لا اخاف آخذهم وبعدين يقولون لي من اين لك هذا؟! يعني مدرس معاشه صكر الـ1000 إلا شوي وفجأة يصير برصيده مليون!!

القناعة كنز ...

صلاح

مشكور ان شاء الله بشوف لي طريقة اكسب فيها مليون!!

يا اني ابيع قحافي الكترونية او اروح انافس رسام قاعد بسوق شرق واحط سعر اللوحة اقل منه بنص دينار وكل رسمتين الثالثة مجانا!!

غير معرف

الحوت قبل لا يصدر بحقه قرار الابعاد وصاني وقال اذا ربحت الـ100 دز لي كيلوين فستق وجرجير!!

ابو الدستور

شوووت ربحو على أفا الجماهير الرياضية ومافي احد ربح من وراهم شي!!

بس جان زين يردون هالفكرة بس بطريقتي انا!!

هاشميتو

يبارك فيك خلاص لك مني درس خصوصي كاريكاتيري مجانا!!


مطقوق

يبارك فيك وعقبال ما نشوفك طاق مو مطقوق!!

عيون اعلامية

الله يبارك فيج ذكرتيني لما ربحت جائزة افضل كاريكاتير بمجلة اليقظة هم قالو ربحت 100 دولار ووقتها مستناس على بالي وايد، يوم وصل الصندوق عطاني نوط واحد، قلت له شنو هذا ورقة وحده ابي الجائزة تنصرف لي 100 ورقة من فئة الدولار علشان يطلعون جدامي وايد!!

وفطوم شكلي بشوف لها لاب توب خسبقتني!!

واشوه اني دمي خفيف لأن بيت عمي يبون فيمتو ويقولون البطل غالي مافي غير احط لهم قلاصين من دمي!!


سوق الفرضه

جايات للربع يا مهدلي ووزع رهش وخبز ايراني من حسينوه بوتيله على حسابي!!


رزنامه

يا معود/معودة

100 دولار 100 تومان 100 ريال 100 حمبزان

المهم فزت بأظرف تعليق حوتي!!

ويبارك فيج

نون النسوة

يبارك فيج

سيليكون شحقه ليش انا شيماء علي ولا مريام فارس!!

نون النساء يقول...

ههههههه لا محشووم


كنت أقصد قوالب الطبخ

من نظرتي المادية في الفوائد العائدة على الـــ 100 دولار ..

كاريكاتير يقول...

راح اخصص يوم اتكلم فيها عن قصة 100 دولار بس مو الحين بعد 5 سنوات!!

اختي نوون

انا المبخ ما اعرف فيه غير ابطل الثلاجة واسكرها واركب غالون الماي بالبرادة باجر الامور المطبخية للمدام وحق لاجمي