باعوك برخيص يا وطن..؟!

استجواب ورا استجواب ورا استجواب والرئيس ساكت من غير جواب..

لا هو اللي صعد المنصة ولا هو اللي راضي يكمل القصة!!

قالو عنه اصلاحي وقالو عنه وايد كلام..

والناس ضاقت فيهم الديرة وناطرين "الحل" من ورا الباب؟!

لا تنمية لا تطوير كل المشاريع معطلة شالحاله صج طرطرة!!

ناس تبي "نورية" وناس تبي "الإصلاح" و"ناس" تبي الحالة مدهورة!!

يا وطن من باعك برخيص ترا بالروح احنا شارينك

ومع كل اللي صار واللي بيصير ترا للحين عندي "أمل"


كانت هذه سطور سجلتها بالأمس أثناء حضوري ندوة "عبدالله السالم..وجه آخر" التي نظمتها رابطة الأدباء مشكورة.

الظاهر المكان مسحور ويخلي اللي يزوره يصير شاعر حتى لو ثواني!!