18 يوليو 2009

أرنب القلاف وريشة بن غيث!!




في كل مرة ادخل الانترنت اضيع ما يقارب 10 دقايق، وانا اتصفح مواقع الرسامين
الكاريكاتيريين إضافة إلى ما تنشره الصحافة الكويتية، وطبعا الجولة تتضمن مقالات عشوائية لمختلف كتاب الصحف، وغالبا ما يتشارك الكتاب والرسامين ذات المواضيع سواء السياسية منها او الاجتماعية وكل واحد من زاوية يهتم فيها ويبرزها سواء حسب توجهه السياسي او ثقافته.

وطرأ على بالي اشوف رسومات بعض الزملاء المميزين ومن ضمنهم طبعا عادل القلاف اللي لم يسعفني القدر ان التقي فيه ولا مرة، مع اني شاركته في معرض "صوت الكويت" واللي صار في بيت لوذان.

دخلت موقع الفلكر وتحديدا صفحة الزميل القلاف ولا أشوف هذه الرسمة!!




واستغرابي لأن هذه الرسمة قمت بتنفيذها ونشرها في جريدة الركسة الكاريكاتيرية واللي توقفت صدورها ونشرتها أيضا في بعض المنتديات، كما اني شاركت فيها بمعرضي الشخصي العام الماضي واللي صار في بداية شهر يونيو 2008.

رسمة القلاف في عام 2009 ونشرت بجريدة السياسة، اما رسمتي فرسمتها عام 2006..

نقول توارد خواطر!!!!!!!




يعني بعد عبدالقادر أيوب مرتين وماهر رشوان مرة وأ.جعفر رجب مرة، ينضم عادل القلاف لهم!!

هناك 7 تعليقات:

Mohammad Al-Yousifi يقول...

ماني شايف اي تشابه بالصورة

رسمته فيها ارنب و رسمتك ما فيها ارنب

وين التشابه؟

الدســتور يقول...

اشارك مطقوق بالراي

شنو الشبه بينهم

كاريكاتير يقول...

الاخ مطقوق والاخ ابو الدستور

الرسمة فيها رافعة ترفع مجلس الامة والقلاف رسم نفسها، الفرق ان القلاف كتب "استقالة مجلس الوزراء" ولون الرسمة!!

اما الفكرة نفسها ان الرافعة تشيل مجلس الامة "المبنى"

Um il sa3af wil leef يقول...

الفكره وحده ..بس التفاصيل مختلفه تماما بصراحه ما أشوف تشابه

كاريكاتير يقول...

عزيزتي ام السعف والليف

فن الكاريكاتير يعتمد على الفكرة قبل التصميم، والفكرة هنا واضحة رفع مجلس الامة برافعة!!


ممكن نعرف شنو الفرق بين الرسمتين؟

Hashimoto يقول...

والقائمة في تزايد ...

===

شكلك ماراح تخلص منهم

ترى يمكن يكون شايفها سنة 2006

والحين رسمها .. ظنا منه انها فكرته .. يعني ما يتذكر رسمتك ..
والله اعلم
...

كاريكاتير يقول...

هاشموتو

كل شي جايز

احد المقربين قال ان اللي قاعد يصير لي لازم افتخر فيه!!