اعتبر نفسي من المحظوظين المقطوطين بوزارة ما تشبعمن الموظفين، خصوصا ان الوزارة اللي اشتغل فيها "يوعانة" للمدرسين والمدرسات وانا عاد صرت "كفتة" مستوية بعد ما درست اكثر من اللازم بجامعة الكويت، مو حبا بالعلم والتعلم لكن بفضل دعوات الاخوان اللي يبون يطبقون منع الاختلاط ويبون يفرضون نفسهم على الدولة والمجتمع!!
ما علينا تابعت من بعيد لبعيد موضوع الكويتيين المسرحين من القطاع الخاص، وما ادري شلون تم تسريحهم هل لعدم كفاءتهم ام لأن الشركات فلست؟!
المعروف ان الشركات لازم يكون عندها ضمان لرواتب موظفيها، اما عن المسرحين اللي اصبحو مشردين، طبعا الحكومة "غصت" فيهم ماتبيهم عندها وودها تلزقهم بأي شركة، لكن الظاهر ان الحل "السحري" أن يتم صرف رواتبهم من ظهر الحكومة.
اعتقد بالامكان نزع حقوق "المظلومين" من عيالنا من ظهور الشركات، اما من سرح من العمل لأنه "موكفو" فما يشوف شر!! ياخذ حقه ويعطيهم عرض مقفاه!!
في وايد وظايف نقدر نخليها حكرا على الكويتيين
لازم يكون فيه تعديل لنسب العمالة الوطنية بالقطاع الخاص.
هناك 4 تعليقات:
الموضوع فيه ظلم , موظفين يعملون من 8 صباحاً حتى 5 عصراً وهناك الآن من سيقبضون رواتبهم وهم نيام بالمنزل , ليس فقط المسرحين بعضهم غير كفؤ لكن العديد منهم كانوا ظمن التوظيف الوهمي , check ur email plz I need help from u .
عزيزي بن غيث
صباح الخير
القطاع الخاص ممتع أكثر من الحكومي عدى عن ذلك تكتسب خبرة ومهارات أكثر كما انني لا أؤيد " تكويت " القطاع الخاص بل الأجمل هو تبادل الثقافات المختلفة مع بقية الجنسيات ..
ربما يشعر بعض الكويتيون بالظلم من القطاعات الخاصة لأنهم غير معتادين على العمل لساعات طويلة وبمجهود أكثر . لكن ليس أمامنا سوى تغيير أفكارنا بشكل إيجابي أكثر تجاه الخاص
تحياتي لك
إيد القطاع الخاص..وايد مشعره...ليش؟؟
:)
غير معرف
انا قلت ان اللي فعلا مظلوم بسبب افلاس الشركة والمسرحين مااخذو رواتبهم لازم يتم تعويضهم من اصحاب الشركات..
واللي تم فصله من الوظيفة من دون وجه حق ايضا لازم يردون اعتباره وحقوقه كاملة
اما مسألة ان مافي عدالة بين اللي يستلم راتبه "مسرّح" وبين اللي يشتغل
ما اشوف فيها ظلم لكن هذا ما يمنع ان الحكومة تصرف لهم بدل بطالة ولازم يبحثون عن وظيفة جديدة..
وما وصلني اي ايميل منك!!
الملاك الغامض
صباح الخير بالليل
اعتقد قضية "المتعة" بالقطاعين تعتمد على المكان والموظف نفسه
احترم رايك لكن ما تعتقد ان وجود نسبة واضحة لعمل الاجانب راح يقلل من كثرة العمالة الوافدة اللي تنافس وتقطع الطريق على المواطن الطموح
يكفي ان راتب الاجنبي اقل!!
اختلف معاك
مافي نسبة واضحة عن شعور الكويتيين او عدم قدرتهم للعمل لساعات طويلة
اصلا ساعات العمل محددة بقانون ومرتبطة بقانون منظمة العمل الدولية
واي عمل اضافي يكون بزيادة مكافئة او راتب
اما الاخ غير المعرف "2"
اتوقع ليش ايد القطاع الخاص فيها شعر
يمكن مافي شيرة او "دمهم حار"!!
إرسال تعليق