23 مايو 2010

الحملة الوطنية الشعبية لمحبي BBM





"طالت وتشمخت" هذا افضل تعبير عن رفضي القاطع للي قاعد تسعى له وزارة الداخلية، اللي هاليومين الظاهر "مشتهية" تزيد من جراح محبي "دولة القانون" وانا منهم!! فالداخلية لا تفاجئني لكنها تصر على "تعكير مزاجي" وانا اتصفح الصحف وفكرتها "الخنفوشية" بايجاد طريق قانوني لمراقبة خدمة BBM؟!

"طبعا هذا الموضوع راح ياخذ صداه بين أنصار "الستر زين" وبين عيال "الماك شكن على اعتبار ان مراقبة البلاك بيري تعني كشف اسرار وفضايح الناس او بين وقف الرسايل اللي كان لأحد القبائل نصيب الاسد منها!!

لازم تفهم ياوزير الداخلية ان البلاك بيري ما تقدر ومستحيل تراقبه لأكثر من سبب، اهمم بالنسبة لي ان كوادر "العسس" اللي راح تعينهم لمراقبة البلاك بيري يبيلهم يجابلون البلاك بيري 24 ساعة من غير ما يغمضون، خبرك بمعدل كل ثانيتين يوصوص البلاك بيري وعادي جدا تكون بحركة مثل هذه منك ترد موضة البلاك بيري للصدارة مجددا!!

بعدين منو هالخبير الدستوري "الفذ"اللي ألهم وزارة الداخلية فكرة مقاومة رسائل البلاك بيري، وهو يعلم ان هناك اكثر من طريقة وطريقة تصل فيها الاشاعات والرسايل والفضايح، لا تنسى الانترنت من منتديات وغرف المحادثة والبريد الالكتروني والمدونات وسوالف جاي الضحى ومسجات بوراشد، والقائمة تطول؟!

وزير الداخلية "ياشيخ" من يومين نرفزني تحرك رجال "وزارتك" لما قاموا بتحسين شعور المغازلجية بحجة مقاومة هالسلوك المشين على شبابنا، وكدرني ان هالشي غير قانوني وطبعا ما اكتفت المباحث بفتح صالون من باب التجربة في "كبسة" كلية التربية الاساسية حتى وصلتم لكبسة جديدة على أبناء الجهراء؟!

سؤال ==

اذا صدتو مغازلجي "اقرع" شنو راح تقصون فيه؟!



عندي لك سؤالين ارجو ما تجاوب عليهم واشوف اجابتهم كفعل مو بس كلام؟!

اول سؤال..

لو شايب "ماعاش" مراهقته وراح وتحرش/غازل هل سيتم تحسينه على الصفر ام غسل شعره بديتول حتى نعرف لون قرعته؟!

لو شاف بالغلط شرطي من "شراطوتكم" الاشاوس بنت تتحرش في شاب كويتي محترم ما هي العقوبة السريعة اللي راح توفرها الداخلية؟!

الشي اللي حتى هذه اللحظة ماني فاهمه من وزارة الداخلية؟!

شنو سالفة لوحات السيارات اللي صارت موضة زوجتي تحن علي تبي تحط اللوحة اليدية "الطويلة" يعني معاليك ترضاها اتحمل اسبوع من الحنة، ترضاها اشوف لي واسطة علشان اركب لوحة سيارة يديدة لسيارة أم فطوم والسيارة ماصار لها 4 شهور ركبنا لها لوحات يديدة؟!

تذكرت مقطع مسرحية سيف العرب "لويش مو مغيرين لوحات السيارات؟ّ"

اخيرا دام هالموضوع صار يخص وزارة "معاليك" ابي اسألك عن سبب اهتمام أحد مدراء ادارات الوزارة، في كشفه بطريقة "عبيطة" اسماء كل الضباط والافراد والمخبرين اللي كانو وراء تنفيذ كمين "جمعها كمائن" لتجار المخدرات؟!

ادري معاليك ما راح تقرأ هالموضوع لكن يمكن واحد من "المخبرين" يوصلها وعلى طريجه ابيه يطمني على المحبوس المحامي محمد عبدالقادر الجاسم "سجين الرأي" وبالمرة اقولك اني سبق لي مدحك على موضوع تصديك للانتخابات الفرعية لكن شكلي راح اهون!!



تنويه..

الموضوع السابق ما كان قصة حقيقية بل قصة قصيرة كتبتها ونشرتها مؤخرا في الفيس بوك، معظم التعليقات الواردة على بالها انا بطل/ضحية القصة :)


ملاحظة راح اكون اول من يتحرك لدعوة أنصار البلاك بيري وتأسيس اللجنة الشعبية الوطنية للدفاع عن البلاك بيري وراح نعتصم في ساحة الارادة في اعتصام "صامت" شرط راح تشوفون بالاعتصام "اللي خبري خبركم" وتابعه قفه يصرخون ويردحون !!!!!!

هناك 4 تعليقات:

فريج سعود يقول...

هديتي لك للتخلص من حنة حرمكم المصون


روح المرور وسو بدل فاقد او بدل تالف للوحة وانت تفرحها وترتاح

حقوقي يقول...

انا ضد اللي تقوم فيه وزارة الداخلية
ليس دفاعا عن البلاك بيري
وانما دفاعا عن الدستور وعن الحريات

وتبي الصراحة وبيني وبينك
زين يسوون فيكم
صراحة انتوا مو كفو بلاك بيري
لو تدري الشركة انكم بتستخدمون الخدمة جذي جان ما فكرت تخترعها !

الناس حاطينها عشان يستفيدون منها ويختصرون الوقت والفلوس والجهد

احنا خليناها حق الاشاعات وذبح الناس
ونسب بعض فيها وصور وصخة ومادري شنو

بذمتك شنو الفايدة الوحيدة فيها؟


"كما تكونوا يولّى عليكم"
انتوا مو كفو خدمة .. وعليكم وزير مو كفو وزارة ولا يحترم الحريات

هذا اهو قمة العدل :)

غير معرف يقول...

عزيزي الكاتب
اولا حبيت اسلم عليك واتمنالك التوفيق
ثانيا عزيزي انت دايما مو عاجبك شي !!! وكله حاط دوبك ودوب الداخليه !!!!!!
باباتي لازم نشكر الوزير اذا قرعوا المغازلجية ... ولا حظرتك عايش بعالم الخيال .. تبي كل مغازلجي يسجلون له قضيه تحريض على الفسق والفجور ... خلاص عيل المحققين يهدون اشغال العالمين وهات مجابل المغازلجية....ايهوا احسن للمازلجي انه يتقرع وينقرص ويسجل تعهد انه ما يعيدها مره ثانية و لا تتسجل قضية ونبطل تحقيق وتعالي يا بنت قدمي شكوى بحقه وكل يوم والثاني ينادونها اهي مع اهلها ويقعدون ياجبلون التحقيق وننطر سنهوشي على مايصدر القاضي الحكم.... جذي مراح نخلص.. وهل انت تتوقع اهل البنت يحبون الفضايح ؟؟؟؟؟؟ ترا الستر زين ..لو الواحد انصاد يغازل وحده في بعضالناس بتقول اكيد اهي معطيته ويه عشان جذي غازلهاوهمن في ناس بتاخذها بحسن النية .. خلك واقعي شوي .... وثانيا شفيها لو راقبوا البي بي .... ترضى انه ينشر فضايع عن الناس باسم الحريه؟؟؟؟
عزيزي انت عايش بمجتمع عربي شرقي محافظ ... اذا مو عاجبك هالمجتمع دورلك اي ديره وهاجر لها ... بتقولي هذي ديرتي وما اهدها .. بقولك عيل اكرمنا بسكوتك وتعايش معاها .. بدال ما تشكر الوزير على الجهد المبذول ياي تتحلطم .. صج في ناس ما يملي عينها الا التراب ...
سلام ....

كاريكاتير يقول...

فريج سعود...

مشكور على النصيحة بس ياريت وزير الداخلية يصرفها من غير واسطة من ضباطه خصوصا مرور الجابرية اللي فيها سوالف انا شاهد عليها!!!

حقوقي...

من حيث المبدا انا معاك دافعا عن الدستور ام عن تلفون بلاك بيري فيشهد الله اني ما اعرف له ولا عندي اياه ولا حتى ولد خال ابو يدي عنده محل تلفونات!!

بس ليش صيغة الجمع وكأنك من خارج الكويت؟

حسب علمي الداخلية قبل طبقت هذا الاسلوب فهل انتهت ظاهرة ومشكلة "التحرش" الا تعتبر السعودية مثال حي على فشل كل السبل في الحد من هذه الظاهرة؟!

وعلى مبدئك لازم نسكر الانترنت ونسكر التلفزيونات ونحرق الكتب والمجلات والكتب ونلغي كل وسائط الاعلام المتاحة، وبعدين لازم نقطع لسانها من عرجه :)

عزيزي الانسان هو وحده من بإمكانه تحويل اي اداة "تقنية" إلى سلاح ضار لنفسه ولغيره.

غير معرف...

بداية شكرا على تعليقك وزيارتك

اختلف معاك ان مو عاجبني شي!! بالعكس انا قنوع بدرجة حرارة الديرة وغبارها وماعندي مشكلة بالزحمة ولا حتى اشيل بقلبي من نوع العلاقة بيني كمدرس وبين وزارة التربية، وبعدين انا متفاؤل بطلبتي لأني ادرسهم وضميري مرتاح :)

اما فيما يخص الموضوع

اذا على كلامك ليش في مخافر اصلا وفي كلية للضباط نخلي شرطي واحد بكل دوار او مجمع او جمعية يحل مشاكل الناس ويعاقبهم واللي يغازل او يتحرش يصطره جم طراق ويقرعه...

فكرة المجتمع الشرقي المحافظ هذه ماعادت حقيقة بالعكس لو كان مجتمعنا محافظ جان ما سمعنا عن حالات الجرايم والطلاق المحافظ على عاداته وتقاليده واللي بعضها قديمة تناقض الدين حتى مالها مكان في عصر السرعة ودولة القانون..

لو كل بنت واسرة مايبون يشتكون ويبون يحافظون على سمعتهم خل عيال "الحرام" يستغلون هالشي وهذا اللي صاير الكل يعرف القصص وتكبر الفضيحة!!

القانون والمؤسسات هي ملاذ المجتمع والافراد..
حسب علمي سياسة