10 أكتوبر 2008

انا ونورية رايحين لندن بسيارتها!!




مالي خلق أكتب تعبان حدي والاسبوع باختصار اسبوع دايخ مريض يضيق الخلق والوناسة الوحيدة اللي فيه تضامن الأهل والاقرباء معاي سواء في مرضي ولا في قضيتي العادلة.


شكرا لكم جميعا كان المفروض الجمعة أكتب تلخيص للأسبوع والسبت أكتب حلقة جديدة من مذكرات طالب جامعي لكن للظروف اللي تعرفونها اتخذت قرار بعدم الكتابة لحين استعادة القدرة على ذلك.


بالمناسبة قبل ما اصحى من النوم لكتابة هذا "الشكر" حلمت إني مسافر مع وزيرة التربية نورية الصبيح وكانت تعبانة ما تبي تسافر لندن، كنت معاها بسيارتها الخاصة ورايحين في مهمة رسمية، وطلبت منها إذا كانت تعبانة انا اتولى القيادة بنفسي رفضت بلباقة وذكرتها بأنها تقدر تسافر بإجازة الصيف لقضاء وقت ممتع في استراليا مع الكانغرو..وصلنا المطار وصحيت من النوم وما ادري هل سافرنا أم لا؟! وطول ما احنا في السيارة كانت تتكلم معاي وتبوح عن كافة ما يشغلها، بصراحة كنت أخشى إنها تعرف ما كتبته عنها في عدة مواضيع سابقة في المدونة من مقالات!!



وينك يا النهام تفسر الحلم؟!





هناك 12 تعليقًا:

Salah يقول...

خير اللهم اجعله خير

ZooZ "3grbgr" يقول...

سلامات ماتشوف شر انشاالله
اجر وعافيه

عندي سؤال صغير
دامكم مسافرين بالسيارة
شكو وصلتوا المطار!؟!؟!؟
لووووووول
وماكو إلا نورية؟؟
تبي تطبق نظام كل واحد ووزير وزارته

بـنـت بـطنـهـا يقول...

خيرا رأيت لول

مو منك من كثر ما تفكر فيها لول

اتوقع ما رضت تروح لانها درت بسالفة البوستات

أهم شي طمنا شلون المكان اليديد؟؟

Safeed يقول...

تفسير حلمك ..

نورية راح تطلبك عشان تصير وكيل وزارة التربية ، و بعدين راح يقدمون لها استجواب ، و موقفك من الاستجواب ضبابي ، مؤيد و غير مؤيد عشان جذي صحيت من النوم قبل ما تعرف انت سافرت معاها و لا لأ :)

Makintosh يقول...

التفسير العلمي احم
انه نوريه كانت بعقلك الباطن يوم انت نمت وكنت تفكر فيها عشان جذي تجسدت لك بالحلم
لا تصدق بس جذي

والله يجعله خير

بـنـت بـطنـهـا يقول...

عسى ماشر صارلك جم يوم مو مبين
لعل المانع خير
بانتظار التطورات

alsaronah يقول...

لووووووول تفسير الحلم ان ولدك راح يكون شاطر بالدراسة ونورية راح تتوسط له لوول

Salah يقول...

أين جديدك؟

لا يكون انقطاعك هذا هو تفسير الحلم!

بـنـت بـطنـهـا يقول...

عسى ماشر بدر قمنا نحاتيك

JiBLa CiTY يقول...

خوش رسومات يعطيك العافية وشد حيلك لاتوقف وخل خط رسوماتك مستقل لا يتأثر مثل اللي بالوطن
:))

ملاحـظـة يقول...

جنك كسلان ؟؟
نبي جديد
و الا سياسة تشويق
:)

ZooZ "3grbgr" يقول...

عسى المانع خير
من طول الغيبات
منتظرينك
اتمنى تكونون بخير انت وزوجتك وولدك يارب