في فكرة صار لي فترة اسمعه ونناقشها بسخرية، تتكلم عن قبول الزوجة خيانة زوجها لها مع "أي كان" لكن ما تقبل فكرة زواج زوجها "بالحلال"؟!
بصراحة فكرة مثل هذه حاولت اتقبل "منطق" الزوجة اللي تقبل الحرام على نفسها وعلى زوجها لكنها "ترفض" الحلال اللي يضمنه الإسلام؟!
شاركوني رايكم بهذا الموضوع؟!
هناك 12 تعليقًا:
نآقصآت عقل :D
لأن لو بـ الحلآل الخت بـ تشآركهآ بـ كل شي فـ مآ تقبل ، لكن لو بـ الحرآم يآ أنهآ مآ تدري عن الخيآنة و نآيمة بـ العسل أو تقول أن فترة و مرده لي .
الحمدلله والشكر
المره اللي تفكر جذي مو صاحية مع احترامي
يعني ما ترضى بالحلال وتبي الحرام!!!
والله مصخرة
وكوني من جنس حواء يمكن أقدر أفسر ليش المره عادي عندها ريلها يخونها بس لا يتزوج عليها..
من تفسيري المتواضع إن المره تقول لمن يخوني فهذا شي مؤقت (يتسلى بس) أما زواج فهو شي دائم، وراح تقول لمن يتزوجها يعني راح تشاركني بكل شي
تفصير متواضع يحتمل الصواب والخطأ
وطبعا آنه من المعارضين حق هالخرافات
والله يتزوج بالحلال أهون من الحرام
والله يعين الرياييل على جذي حريم
سمعت بهالشيئ جم مره
وهذا يدل على قلة وعى وإدراك من المرأة
وهذى يسمونها الحرة ليس أكثر
الله يعينا على عقولهم
تحياتى
مرحبا ..
الخيانة مرفوضة بكل أنواعها ..
لكن هالنوعية من النساء اللاتي يفضلن
العلاقات على الزواج لفرضية ان
العلاقات مؤقتة وغير معلنة مقارنة
بالزواج اللي مصيرة غير معلوم ومعلن !
منطق أعمى حقيقة ..
وأدراج موفق ..
يا الغالي اللي يسمعك يقول صج الناس يفكرون بالحلال والحرام ..
يا عمي الاغلبية ما تحلل ولا تحرم الا اذا السالفة فيها مصلحة ...
واذا العكس بسيطة اما شوفلك فتوى ثانية او سو نفسك ما تدري :)
تحياتي .. واكيد جواب سؤالك لازم يكون بناتي فمو عندي ..
أكيد الحلال أفضل
بس المرأة لها حق الموافقه والإستمرار أو الإنفصال ...
بس ليش دايما إمرأة واحده لا تكفي ؟؟؟؟
أنثى...
منطق "مريض" ان تحلل المرأة ما حرمه الشرائع، والسؤال هل يتوقف التحليل على عدد معين من الخيانات؟!
شكرا على مرورج :)
غير معرف...
معاك حق..ميخالف أول وتالي ريلها "مستمتع" بغيرها :)
بندول...
تدري في حريم يعتقدون هالشي عادي اصلا وماتفرق معاهم ووصلو مرحلة يعتبرون الزواج واجهة للطرفين !!
ابتسامة...
على فرض زوج يخون زوجته والزوجة تعلم وتسكت بحجة إنها "نزوة" اتصور انها بلا كرامة!!
بوكوثر...
شقولك اخوي "الحلال والحرام" صار ضايع، قتوى بالايميل وفتوى بالتلفزيون وخزعبلات ماادري من وين تطلع = اسلام "هاليومين"!!!!
صعب جدا على المرأه ان تشعر بان الزوج قد اقام علاقه باخرى ان كانت حلال او حرام فهذا جرج لكرامتها لكن تفكير المرأه فى اقامه زوجها علاقه غير شرعيه قد تكون اهون على زواجه لانها ترى ان هذه العلاقه مصيرها يوما وتنتهى
اما الزوجه فتشاركها زوجها طول العمر
فيكون الجرج اكبر واعمق
فنصيحه للرجل ان يقبل زوجته كما هى بحلوها ومرها ويتقى الله فيها
تقبل مرورى واسمحلى اضيفك عندى للمتابعه
ليش قالوا غيرة الرجل ايمان
وغيرة المرأة كفر
الحين الناس مو متمسكه بتعاليم الاسلام مثل اول فتقول خل يخوني مرة , ولا انه يتزوجها ويحطها عله على قلبي ,,
اهي تفكر تقول بس مرة مو مشكلة, وتقول بعد اذا ماخليته على راحته بيتزوجها وبعدين بيطلقني ..
وهني انا اقصد الي راضية بالفكرة, عندها خلل بالتفكير المعرفي :)
تحياتي لك
وصباحك عسل ..
بصراحه انا شخصياً سمعت هالمنطق الغريب والغير معقول من بعض المتزوجات واستنكرته كثير!
شلون تقبل بالحرام وتحرم الحلال؟!
اعتقد ان التركيبة العقلية لدى هذه الفيئة شوي مو متوازنه وفيها وشه!
اذا تزوج الريال على مرته ابساطه تقدر الزوجه الأولى اذا كلش يعني مو متحملة ويحق لها لأنها انسانه ولها مشاعر انها تنسحب من حياته ..او ابساطه تشمر عن الذراع وتزهب الساطور والعدة :))) "اتغشمر"
يعطيك العافية
lol !
إرسال تعليق