بكل فخر واعتزاز نفذت "المباحث" من غير اي تأخير وطبقت من كيفها "امر" تقريع عدد من المغازلجية، اللي حسب بلاغ الداخلية وخبرهم "المشؤوم" كانو محتشدين و"ناوين" على بنات كلية التربية الأساسية.
الخبر أكيد راح يطوف على "أصدقاء القانون" والمدافعين عن دولة القانون والمؤسسات، لكنه راح يكون "فال خير" لمحبي دولة الغابة السعيدة، ودولة "طالبان" لأن هذا اللي يبونه؟!
راح تقولون يعني ماتبي نعاقب اللي يتحرشون بالبنات؟! انت ماعندك خوات انت ماعندك غارية على بنات ديرتك؟!،
راح اقولكم ان ماعندي الغارية الا على القانون اللي يحمينا كلنا من هالتصرفات اللي تعتبر "اغتصاب" للقانون، احنا كلنا مع القانون اللي يحمي المواطنين والانسان وين ماكان، واذا كان هناك من يخالف لقانون فلا انا ولا حتى "شيخ" يكون فوق القانون.
المهم ان هناك سلطة قضائية تحاسب المخطأ مهما "صغرت" او كبرت حجم مخالفته للقانون، والا فأهلا وسهلا بهيئة الامر بالمعروف ووداعا لدولة القانون وليستقيل أبناء وزارة الداخلية ممن كان يعتقد "واهما" انه حارس القانون، وليحل محلهم أصحاب اللجان الخيرية ويتمتعوا بحلق"القانون" على الصفر!!
هناك 4 تعليقات:
ان كان هناك نص قانوني يبيح للشرطة جز شعور المغازلجيه فاهلا بتطبيق القانون
لكن ان لم يكن هناك اي نص قانوني فاهلا بمحاسبة الداخلية على هذا التعسف
و ان كنا لا نرضى على ما يفعله المهبل من شبابنا
أنا أقول موبس يقرعون شعر راسهم ؟؟؟
ياريت يقرعون شيئ ثانى ((:
عسا ييووزون من حركات
تحياتى
الصراحة عندنا بالكويت المغازل وصل الى حد جداً سيء تشوف شخص اهلة محتشمين وسواد من فوق لي تحت وهو بكل قلة ادب يتحرش في بنات الناس وينكد عليهم طلعتهم ليدرجة انه في عائلات لاتحب ان تذهب للمجمعات بسبب عدييمي الاخلاق
اما قانون حلق الراس طبعاً يعتبر اسلوب قمعي غير صحيح يليت يكون عندنه قانون اكثر دقة وحضاريه
مو حل هذآ
أسلوب بدآئي
بس اللي يغآزلون قآموآ يتعدون خطوط مو حمراء لا عنابيه !!!
مره جدآمي لابسه عبايه و ملاحقهآ فالتله بس من هالحركات ما عندك خوآت.
قاللها كيفي خواتي ما يطلعون مع بنات بس. يعني متعرضلهم لأنهم بنات بس!
جد مو شي!
يسلمو
إرسال تعليق