شنو يبون الكويتيين؟!
يبون تعليم مدروس مو قص ولزق!!
يبون عدد كافي من الأسرة والغرف الخاصة بدال العمومي والبهدلة
يبون عمالة منزلية تساعدهم ماتبي سوالف سحر وبوق رياييل!!
يبون انهاء مشاكلهم المالية بدال انتظار الهبات والتبرعات وعيادي الشيوخ!!
يبون الستر على حريمهم بدال العنوسة وحالات الطلاق الزايده!!
يبون مناطق سكنية قريبة وتشيل أسماء عيالهم مو بس عيال الشيوخ!!
يبون تلفونات يديدة أول باول!!
يبون مسارح وقاعات سينما تكفيهم بدال الازدحام!!
يبون يحسون إن عندهم حضارة وتاريخ
يبون تذاكر طيران وأمان على الكويتية توديهم وين ما يبون بالعالم!!
يبون رجالات الكويت تذكر حاضر الكويت بكل فخر واعتزاز
يبون يقولون اللي بخاطرهم من غير خوف!!
يبون مجلس يحمل همومهم ويشرع قوانين تفيدهم!!
يبون شرطة تحميهم بدال قانون الغابة!!
يبون جامعات ومعاهد تضمن مستقبل عيالهم!!
يبون وظايف لعيالهم قبل لا يدور عليهم الزمن!!
يبون الرياضة ترد مثل ما كانت كافي خساير!!
نبي صحافيين وكتاب حقيقيين بدال مقالات عن رقاصات وسراويل بو ... !!
يبون مشاريع تنموية من غيرما نحلم فيها بس!!
يبون يعيشون من غير "الحل بالترشيد"!!
يبون يشوفون رائد فضاء كويتي مثل ما قال رئيس الوزارء!!
يبون يسمعون أخبار الكويت الطيبة بدال المشاكل والكوراث
يبون يظلون يحتفلون بالعيد الاستقلال والتحرير.. يعني ما نبي غزو ثاني!!
يبون يشوفون ابداعات الشباب ما يبون فضايحنا منتشرة بالعالم!!
اما انا فأبي ارتاح شوي!!
هناك 8 تعليقات:
انا ماعندي مانع اوفر كل شي لنفسي من ناحية خدمات من الصحة والتعليم وو و
مشكلتي الازلية المواقف وزحمة الشوارع
آآآآآآخ أبي مواقف اكثر
وأبي شوارع اوسع
وبس
اول شي
عيدك مبارك يا خوي
و كل عام و انت بخير
و سلامة السانك و شفايفك من لسعات الشاي و القهوة
والشغلات اللي نبيها وايد يا خوي
بس انا اللي ابه شي واحد
ابي نرجع الكويت الستينات .. بس
ابي طيبة قلب اكثر
مابي حقد وغل وخناق
بالمسلسلات ماكو احد يحترم الثاني
لا الكبير يرحم الصغير
ولا الصغير يحترم الكبير
كنت زايرة بيت رفيجتي
وكانوا يطالعون مسلسل
ولسان طويل وشد اعصاب بالمشهد
وبنت رفيجتي ركضت بالصالة تلعب!
قامت يدتها زفتها وصرخت عليها
تدري ليش؟ السبة المسلسل
تقولي رفيجتي بس امي تشوف هالمسلسلات تتوتر وتعصب وما تتحمل احد
لووووووووول
يا حلو التنديل
يلا ارتاح ارتاح
وراك عيد الاضحى بعد اقل من 70 يوم
مرحبا جميعا
دله اهلا بك في الكويت!!
عثماني
ياني ولهان عليك ياخوي وينك
انا عن نفسي ابي لك الزين
زووز عقر بقر
نصيحة لا تشوفين مسلسل دار الهوا لأنج راح تكرهين اختراع اسمه تلفزيون وبتعشقين اختراع اسمه راديو
انا ابي ديرة الخير يبين فيها الخير على كل من يسكن فيها من مواطنين ومقيمين.
وديرة الديمقراطية والحرية والعدالة والمساواة تضمن لنا ولغيرنا الحرية والعدالة والمساواة.
نبي الشعارات اللي يرفعونها تكون لها معنى على أرض الواقع
مو بس كلام!
واذا هذا الطلب مستحيل! أبي ناس يسعون الى تحقيقه! مو أكثر.
مرحبا
الاخ صلاح
كل يوم تزيد عندي قناعة بوجود تغيير للواقع لأن الوضع يتراجع للأسوء المظلم تخيل كل ثورات العالم ما خرجت الا بعد ما داس الفساد الوظلم على رقاب العالم
عشان جذيه قيمة وطعم الحرية والديموقراطية والحرية والمساواة والعدالة في الوقت الحالي ما عاد لها وجود عند شرايح كبيرة نظرا لعتمادهم على قانون الغابة والواسطة بس لما تضيق السبل راح يلجؤون لهذه المبادئ والمفاهيم بعد ما يحس الجميع بضرورة المساواة..
على سالفة الجامعة اي والله .. انا ماراح ادرس عيالي بجامعة الكويت .. تفشل والله ..
وعلى صورة الهاشم اول مرة اشوفها واخزياه .... ونعم القدوة الصحافية والله :P
تبي ترتاح عقب هالموضوع ؟؟ حط لك موضوع قص على نفسك فيه وعلينا وخل نعيش دور الملائكة الي ماعندنا مشاكل كلش:)
مرحبا الاخت سارة
جامعة الكويت صحيح أن الاوضاع فيها في تردي لكن اتصور لما تنتقل للشدادية "بالمشمش" راحيصير وضعها أسوء من التطبيقي واحتمال يلاقون تحت الجامعة نفط فلازم الجامعة تشوف لها موقع يديد واحتمال يروحون بر الروضتين بعد ما ينشف من الماي اللي فيه!!
اما على موضوع الراحة فإن شاء الله ألاقي الموضوع والخبر اللي اجذب فيه على نفسي وعليكم فيه!!
إرسال تعليق