21 أغسطس 2009

نواب "عجال"!!




أشكركم على جلوسكم "عجال" داخل قبة عبدالله السالم، سكوتكم وصمتكم دليل احترام لإرادة الأمة وراح أطالب الحكومة تعطيكم حلاو وبفك وككاو بو أسد وعصير وبرد لولو، واذا استمريتو جذيه راح اقول حق "بابا جاسم" اييب لكم ألعاب و دوارف وحمام سباحة بحديقة المجلس.

عفيه على الشطار!!

هناك 9 تعليقات:

بنت الشامية يقول...

اكرمكم الله بشهر رمضان بعفو وعافيه و مغفره منه......مبارك عليكم الشهر
وعساكم من عواده

اميرة الفولاذ يقول...

مبارك عليك الشهر000

احنا الشعب شنو متوقعين من النواب نصهم ساكت لانهم اصحاب للحكومه ونصهم يصرخ ليلفت وسائل الاعلام 0
وين النائب الي قلبه علي الكويت وعلي الشعب ؟

كاريكاتير يقول...

بنت الشامية

عساج يخير وعقبال ما تصومين مثل نويتي

اميرة الفولاذ

تقبل الله طاعتج

النوعية اللي انتي طالبتها تحصلينها بمتحف مجلس الامة!!!

بوسند يقول...

بالمناسبة

أتفق معك في كل الأسماء عدا فاح الصواغ..

فغالبا ما تجد اسمه في الاقتراحات اللي يتقدم فيها أحمد السعدون،

الصواغ من الموقعين على طلب إحالة وزير الداخلية للمحكمة الوزراء..

بالإضافة إلى أنه من مقدمي طلب طرح الثقة ..

بصراحة نشاطه غير متوقع أبدا ..اهو مع الصيفي !

كاريكاتير يقول...

بوسند

اشكرك على المعلومة اللي راح تخليني اعطي الصواغ هدية

لكن اهو وغيره نايمين واللي تفضلت فيه ما يغني عن العمل البرلماني

التشريع والرقابة مو بس تخليص معاملات اهل الصباحية والفنطاس والمهبولة

الجـــوري..كـــلام الصمــــت يقول...

ههههههههههههههههههههههه والله شر البلية مايضحك..



بس اتوقع انك حلمان ماذكر فيوم ان واحد من نواب المجلس ساكت!!!

احنا الدوله الوحيده اللي نوابها مايسكتون!!
اما يرددون الكلام مثل البغبغاء وهذيل ربع الحكومه,,

او يهذرون ويسولفوون ويتوعدون ويستجوبون وهذيلا ربع (اللي ماتعرفني يلا انا فلان!! بس يبي يبرز نفسه!!)

والله يعينج يادييره :(

مشكوور

كاريكاتير يقول...

الجوري كلام الصمت

لا عندنا نواب حاطتهم الحكومة على وصع "الصامت" ويبصم مقابل شراء صمته ما يتكلم الا اذا حس ان الدوام خلص ومافي احد بالقاعة وخايفين يسكرون القاعة عليهم!!

ZooZ "3grbgr" يقول...

وين هايف

ما قعد عاجل؟؟؟؟؟؟

:/





عيدك مبارك انت وفطوم وماماتها

وعساك من عواده

:")

كاريكاتير يقول...

عقر بقر

ايامج سعيدة وتقبل الله طاعتج

محمد هايف حسب علمي راح عند الاخصائي الاجتماعي يبون يشوفون ليش مو قادر يوقف بطابور الصباح!!