04 فبراير 2009

كيف تعرف أنك كويتي؟!



عندي كذا شؤال تنشيط الذاكرة لا أكثر..

جم عدد المستشفيات الحكومية؟

جم عدد الأندية الرياضية؟

جم عدد المحافظات في الكويت؟

جم تشكيلية وزارية عدت على الكويت من بعد التحرير؟!

كم هي المساحة المستغلة من اجمال مساحة الكويت؟

جم مرة صرح النائب ضيف الله بورميه انه راح يسقط القروض؟

جم مرة صرح مسؤول بجامعة الكويت عن بدءمشروع جامعة الكويت الجديدة بموق الشدادية؟

جم مرة لم تعقد جلسات مجلس الأمة الحالي بسبب فقدان النصاب؟

جم مرة طلعت صورة مدير إدارة مكافحة المخدرات وهو يكرم الضباط وغيرهم من الإدارة؟!

جم مستشفى خاص بالكويت؟

جم سنة ظلت ثانوية صالح شهاب من غير ترميم؟

جم متحف تاريخي بالكويت؟

جم سنة يبيلنا عشان نشهد عودة حقيقية للبلد في طريقها للتنمية والإصلاح؟

جم مرة تقرؤون بالصحف عن القبض على تجار الخمور والمخدرات؟

جم مرة شفتو مواقف اخوانا المعاقين واقف فيها شخص صاحي الجسد متخلف الضمير؟!

جم عدد مواد الدستور؟

جم مرة اخذت إجازة مرضية وانت ما تستحقها؟

جم مرة تابعت نشرة الاخبار الاقتصادية؟

جم مرة تفرش اسنانك بالمعجون؟

جم مرة لم تحيي من تواجهه بالطريق فقط لأنه غير كويتي أو شكله اقل منك؟

جم مرة دخلت السينما وشريت نفيش وبيبسي وانت اصلا مو يوعان؟

جم مرة حذفت من دريشة سيارتك قرطاس او اي شي بالشارع؟


















اسئلة كثيرة ماني قايلها بس على الاقل اجاباتكم حتى لو ما رديتو علي تكفي بأن اقولكم ان الاصلاح والتنمية في هذا البلد ماتحتاج قرار سياسي فقط بل تحتاج منك انت تصحي ضميرك وتساهم معاي ومع كل واحد عشان تصير الكويت احلى.

ولا شرايكم

هناك 9 تعليقات:

AuThoress يقول...

كم مرة سألت نفسي هالاسئلة وتألمت؟


شعبنا استهلاكي من الدرجة الاولى، لم يُدعك تماما.. إسألني وانا اختك، هالناس يحتاجون لــ نفضة ربانية وقليل من الفقر.


ود لك

ma6goog يقول...

الله لا يغير علينا

Zaydoun يقول...

أسئلة تعور القلب

Yang يقول...

جم مرة قلت جم في في مقالتك الجمة :)

كاريكاتير يقول...

مرحبا

اثوريس

انا اشوف ان نيزك قادم راح يضرب الكويت ويغير اللي بمخ الشخصية الكويتية!!

مطقوق

ودنا نتغير لو يوم واحد خل نشوف مافي بيروقراطية ولا محسوبية ولا تملق ولا مجاملات تصدق راح بعضنا يتمنى يوقف الزمن على هاليوم!!

زيدون

سلامة قلبك.. بس شسوي لازم نتكلم ولا يصير فينا كبت!!

يانغ

تصدق ما عديت لكن اذا حاب تعد راح ادز لك هدية!!

Alikingkw يقول...

لا أعلم
لا أعلم
أربعة محافظات حسب علمي
لا أعلم
القليل حسب ما أظن
مادري ..وايد
\\ \\ :)
وايد
مادري
مادري
مادري
أعتقد متحف واحد
لا أعتقد أن مشكلة عودة الإصلاح زمنية
لا أقرأ الصحف :)

مو وايد ما يحظرني اني شفت موقف المعاقين واقف فيه واحد غير معاق

مادري
ولا مرة
ولا مرة
أفرش اسناني الصبح واللين و بعد كل شي آكله إذا كنت في البيت ... بس اذا كنت بره أفرش لي رجعت.
وال مرة
كل مرة لووووول النفيش والبيبسي ونيسين مع الفلم
ولا مرة

:)

Alikingkw يقول...

كلامك سليم اخوي بدر الواحد ما يقدر الا ان يصلح نفسه واذا كل واحد عدل بعمره ما يبقى احد خربان P:

كاريكاتير يقول...

مرحبا

الاخ علي معظم اجابات

ما ادري لا اعلم

تدري ان هالشي صحيح وافضل من اللي يسوي نفسه يعرف!!

وعلى طاري بداية الاصلاح تبدا من النفس والداخل هذه بحد ذاتها معركة من الداخل للخارج!

Alikingkw يقول...

انشاء الله مافي معارك لا داخلية ولا خارجية :)

و اذا انا غشيم خلني غشيم صادق احسن مما اكون غشيم ويتشيحط لأن الشحاطة توهق في اغلب الأحيان لوول