14 سبتمبر 2008

اتحداك تعرف؟! - الحلقة التاسعة






مرحبا ...



اولا شكرا لكل المشاركين وثاني شغله جدا جدا جدا مستحي ومقصوص ويهي!!



كل ما اقول ابي ادخل المدونة اعدل واجهز شي اكتبه اهون!! ..يا ربي احس ان من كثر ما مسلسلات رمضان تتكلم عن السحر حاس إن المدونة احد معطيها عين او مسوي لها عمل ودافنه بواحد من المدونات..!!



المهم



السؤال اللي فات قدرت الاخت منال ان تجاوب عليه بكل ثقة



فعلا هو ودرو ويلسون الرئيس الامريكي الذي في عهده دخلت امريكا الحرب العالمية الآولى وهو ما رجح كفة دول الحلفاء وتحقيق النصر على دول المحور...



مبرك الاخت منال وبالنسبة للبقية الفرصة ما تزال موجودة والمنافسة مفتوحة لكم



اما عن سؤال اليوم فهو ...



أتحداك تعرف؟







عضو مجلس الأمة الكويتي الواقف في إحدى جلسات المجلس؟

هناك 8 تعليقات:

Salah يقول...

ما عرفته بس بعلق على الكاركتير...

خوش براطم والله...


بعرف منو اللي اخترع هالموديل البايخ؟

Makintosh يقول...

اول شي قريت المعوذات على مدونتك عشان السحر والعين
وثاني شي ماعرفت الشخص الصراحه مع احترامي الشديد له بس خشمه مغطي على ملامح ويهه

KuWaIt MaStEr يقول...

اويلي عالشنبات
هالشخص انا ما اعرفه يمكن احد غيري يعرفه

غير معرف يقول...

المرحوم عبدالعزيز حمد الصقر
اول رئيس لمجلس الامه

بـنـت بـطنـهـا يقول...

وناسه خوش فعاليات بالمدونة وايد اشياء طافتني حسافة :(

بصراحة ما عرفت منو بالصورة لكن باتابع من اليوم جود افوز بكاريكاتير بالنهاية لول

kuwaitawy يقول...

زيد الخالد؟؟؟؟

كاريكاتير يقول...

السلام

يسعدني تواجدكم في مدونتي المتواضعة..

الاخ صالح مو مشكلة ما تعرفه المهم تشرفنا بمعرفتك.. واذا على البراطم اتصور ان وراء هذه الموضه انحشار برطم من براطم الفنانات في اصنصير خلال تصوير لأحد المسلسلات وعشان تحر بقي الممثلات قالت هذا جمال رباني...

الاخ ماكنتوش
مشكور على القراءة ..
وكسبناك صديق دائم للمدونة


ماستر الكويت

ما عرفته مو مشكلة غيرك راح يقولك منو وتكسب معلومة


الاخ غير المعرف..تمنيت نعرفك عشان تقولك انت صح وكل الصح

بالفعل هو رئيس مجلس الامة السابق ومن رجالات الكويت العضو المرحوم عبد العزيز الصقر رحمة الله عليه...

الاخت بنت بطنها

ما عليه للحين في وقت وان شاء الله راح نفتح لج خيمة رمضانية خاصة في المدونة بس اللقيمات واللبن عليج!!

الاخ كويتي

لا ما عليه خانت الذاكرة هذا مو زيد الخالد هذا عبد العزيز الصقر..
مشكور على المشاركة وانتظر السؤال القادمجايز تفوز فيه.

غير معرف يقول...

اتشرف بمعرفتك اخوي واتشرف اكثر بمروري على مدونتك الجميله
مابي ادش عالمكم هذا خلني من بعيد لي بعيد احسن
تحياتي