بما ان اليوم الاثنين ومثل ما يقولون الاثنين بابين قلنا نفتح لنا جم باب ونعرف شنو وراهم...
الباب الأول
طق طق!!
وزير الشؤون بدر الدويلة يصرح بالجرايد إن الفيفا راح يوقف أنشطة اتحاد الكرة فقط شهرين..هذا اللي الله قدرك عليه بدال ما تحاسب المخطئ وتحاسب نفسك بعد وبالمرة تقدم طلب طرح الثقة بنفسك مو علشان انت مقصر لا سمح الله..لا عشان لا يدعون لي قلبهم على الكرة ورياضتنا لأنهم لما يدعون يدعون على كل واحد له علاقة باللي قاعد يصير فينا وبكرتنا المفشوشة!!
من ورا الباب؟!
وزارة الداخلية تكشف عن أعداد فئة المقيمين بصورة غير قانونية أو البدون او الشرذمة مثل ما يشوفهم علي البغلي! الداخلية صفت أعدادهم وتقريبا وصلو 100 ألف.. وبالتالي الخطوة الثانية البحث عن طريق لحل القضية "بالمشمش" تدرون ليش؟!
الأول: تدري منو قبل البيضة ولا الديايه؟
الثاني: سهلة الديايه.
الأول: والديايه من وين طلعت؟!
الثاني : من البيضة!!
الأول: يعني منو قبل البيضة ولا الديايه!!
الثاني: امممممممم !!!
بعد صمت
الثاني: انزين انا عندي سؤال اصعب من سؤال واتحداك تجاوبني عليه؟!
الأول: اسأل..
الثاني: تهقا متى تنحل قضية البدون؟!
الأول: بسيطة...
الثاني: شلون بسيطة؟!
الأول: لما يعرفون منو قبل البيضة ولا الديايه!!
الباب الثاني
طق طق طق !!
مجلس الأمة اللي فات أصدر قانون التشبه بالجنس الآخر واللي جاءت إحدى فقراته بأن ما بمعناه "ما يصير الريال يتشبه بالمره ولا المره تتشبه بالريال بأي صورة من الصور.."
زين يعني الحين طارق العلي وعبدالناصر درويش وحسن البلام أول من يطبق عليهم القانون!!
من تحت الباب!!!!!!
أمس احتفلت بيني وبين نفسي "خبركم مو وقته اسوي حفلة في بيتنا ويدخلون علينا المصورين وينشرون صوري وانا بالمكسر وقلاص الفيمتو بإيدي وعلى بالهم شارب ..." واصير علج بوطقة بأفواه الناس طبعا بياكلوني مع مدفع الإفطار ويتسحرون فيني والفاطر خو ما راح يشبع تعلج فيني!!
بس لحظة احتلفت في شنو؟! ايي تذكرت ما عليه من خيالي اللي تخيل ان صج طاحو علي.. انا امس احتفلت بمرور الذكرى الثالثة على تعيني معلم بوزارة التربية وقلت فرصة اسوي حفلة بيوم المعلم "الخاص فيني" بالبيت مجابل أول كيكة تسويها زوجتي بل هي أول طبخة آكلها من إيدها "تسلم إيدج" وعطيت نفسي هدية عبارة عن علبة أقلام سبورة حق الدوام ودفترين تحضير، حصلتهم بطلعة الروح في ظل مهرجان العودة للمدارس اللي أسعارها الحمدلله يا وزيرنا نار نشوي فيها دنانيرنا!!
طق طق!!
وزير الشؤون بدر الدويلة يصرح بالجرايد إن الفيفا راح يوقف أنشطة اتحاد الكرة فقط شهرين..هذا اللي الله قدرك عليه بدال ما تحاسب المخطئ وتحاسب نفسك بعد وبالمرة تقدم طلب طرح الثقة بنفسك مو علشان انت مقصر لا سمح الله..لا عشان لا يدعون لي قلبهم على الكرة ورياضتنا لأنهم لما يدعون يدعون على كل واحد له علاقة باللي قاعد يصير فينا وبكرتنا المفشوشة!!
من ورا الباب؟!
وزارة الداخلية تكشف عن أعداد فئة المقيمين بصورة غير قانونية أو البدون او الشرذمة مثل ما يشوفهم علي البغلي! الداخلية صفت أعدادهم وتقريبا وصلو 100 ألف.. وبالتالي الخطوة الثانية البحث عن طريق لحل القضية "بالمشمش" تدرون ليش؟!
الأول: تدري منو قبل البيضة ولا الديايه؟
الثاني: سهلة الديايه.
الأول: والديايه من وين طلعت؟!
الثاني : من البيضة!!
الأول: يعني منو قبل البيضة ولا الديايه!!
الثاني: امممممممم !!!
بعد صمت
الثاني: انزين انا عندي سؤال اصعب من سؤال واتحداك تجاوبني عليه؟!
الأول: اسأل..
الثاني: تهقا متى تنحل قضية البدون؟!
الأول: بسيطة...
الثاني: شلون بسيطة؟!
الأول: لما يعرفون منو قبل البيضة ولا الديايه!!
الباب الثاني
طق طق طق !!
مجلس الأمة اللي فات أصدر قانون التشبه بالجنس الآخر واللي جاءت إحدى فقراته بأن ما بمعناه "ما يصير الريال يتشبه بالمره ولا المره تتشبه بالريال بأي صورة من الصور.."
زين يعني الحين طارق العلي وعبدالناصر درويش وحسن البلام أول من يطبق عليهم القانون!!
من تحت الباب!!!!!!
أمس احتفلت بيني وبين نفسي "خبركم مو وقته اسوي حفلة في بيتنا ويدخلون علينا المصورين وينشرون صوري وانا بالمكسر وقلاص الفيمتو بإيدي وعلى بالهم شارب ..." واصير علج بوطقة بأفواه الناس طبعا بياكلوني مع مدفع الإفطار ويتسحرون فيني والفاطر خو ما راح يشبع تعلج فيني!!
بس لحظة احتلفت في شنو؟! ايي تذكرت ما عليه من خيالي اللي تخيل ان صج طاحو علي.. انا امس احتفلت بمرور الذكرى الثالثة على تعيني معلم بوزارة التربية وقلت فرصة اسوي حفلة بيوم المعلم "الخاص فيني" بالبيت مجابل أول كيكة تسويها زوجتي بل هي أول طبخة آكلها من إيدها "تسلم إيدج" وعطيت نفسي هدية عبارة عن علبة أقلام سبورة حق الدوام ودفترين تحضير، حصلتهم بطلعة الروح في ظل مهرجان العودة للمدارس اللي أسعارها الحمدلله يا وزيرنا نار نشوي فيها دنانيرنا!!
بس خلاص...
هناك تعليقان (2):
lool ambeeh 7raam
ويع ردينا حق لوعة الجبد والتدريس :\.
السلام
الاخت كيكة مقرومه..اشكرج على المرور والمشاركة بالعكس ليش ويع التدريس انا عندي احلى شي اسويه بعد الرسم تلاقيني اقعد بالصف اخلي الطلبة اللي يبجي من الضحك اللي يقط روحه من الدريشه واللي من كثر ما يرفع ايده يبي يجاوب يده تطلع من السقف وتصير اريل للتلفزيون صج وناسه..
إرسال تعليق