بوصابر: عرب عطني قلاص ماي...
انا: حجي ما شاركت بمظاهرات سياسية ايام المدرسة؟
بوصابر: شوف انا طلعت بمظاهرة سنة من السنين وما ادري شسالفه كل اللي اعرفه عشان فلسطين..ابوي كان موصيني اوخر عن هالسوالف ولا ترا بيذبحني..ومن يومها ما طلعت بمظاهرة ولا حتى اقرا شي سياسي!
انا: بس احنا في بلد ديموقراطي وعادي يعني هالشغلات؟
بوصابر: السياسة تبي اهلها انا كنت مهتم بعيالي وبالبيت طول هالسنيس شنو مستفيد فلان قال وعلان قال..يبا الهوامير بالديرة من عمر اهم اللي يشقون ويخيطون واحنا نلبس!!
انا: يعني ما رحت انتخبت احد بالانتخابات؟
بوصابر: لا هذه غير انا اقعد وقت الانتخابات افتر من الربع نشوف لنا منو منهم يمشي شغلنا خبرك احنا سوالفنا يا قروض اسكان او نبي غرفة خصوصي او واحد منا تعبان يبي يسافر علاج او كلش كلش عيالنا وبناتنا نبي لهم المدارس الزينة والنجاح..يعني مالنا شغل شقاعد يقول هذا او ذاك..واذا على التصويت انا اروح لأن هذا واجب وطني اشوف مني اللي خدمني واللي يخدم واحد بعمري ولد هالديرة اتوقع انه فيه الخير للكل عشان جذيه تلاقيني اصوت له.
انا: انزين حجي شلون الدراسة على ايامكم؟
بوصابر: ايي ايي كانت حلوة صحيح ما كنت شاطر وايد وياما جحشوني "تم ضربه بالعصا على بطن رجله" مو لأني مو شاطر لا ..لأني كنت امشي ورا مجموعة صبيان شياطين وكنت انا اللي انصاد وانطق..حتى ابوي كان مصمم يطلعني بره المدرسة ويشغلني حمالي بالسوق عشان اتعلم قيمة المدرسة والعلم.
انا: صج كانو المدرسين يفهمون وان المدرسة فيها كل شي؟
بوصابر: احنا كنا ننام بالمدرسة ..كان في صبيان ما ودهم يردون البيت..كان في حصص موسيقى كنا نغني ونعزف اناشيد وطنية وقومية..كنا نتعلم التاريخ عن هارون الرشيد وعن عمر بن عبدالعزيز وعن فتح الاندلس والفاطميين والمماليك وعن هتلر وعن الهنود الحمر وعن شغلات ما ادري ليش ما قامو يدرسونها لعيالنا..الحين الواحد فيهم تقوله شسمك يستحي ويبقق عيونه!!.. كان عندنا مدرس فلسطيني يخرع اسمه اسعد كان يدرسنا لغة عربية..لأنه كان شديد كانو الطلبة كلمهم بالصف يسكتون ولا واحد فيهم يتنفس..كان يخلينا نقرا قصيدة واللي يغلط ياخذ له بالعصا على جتفه وايده..حتى اللي قاعد يمه ينطق معاه!!
انا: ليش؟!
بوصابر: كان يقول ان لازم كل طالب يهتم بزميله لأنه هذا من باب التعاون وبعدين اذا صار زميلك شاطر وانت شاطر راح تتعلمون بسرعة وتصيرون تفهمون بعض مو واحد فاهم والثاني "زي الاطرش بالزفه..ولا" اذكر مرة كان واحد من الصبيان سرحان..يا فلان جاوب يا فلان انطق ..ابد صاحبنا سرحان ما ادري شفيه..قام المدرس وقفنا كلنا وطقنا كل واحد طقتين بالعصا الا هالسرحان!!
انا: شدعوه ليش كلهم وهو لا؟
بوصابر: بعد ما صحى السرحان اللي طلع نايم..قال شفيكم ليش تبجون اخذناه وكل واحد طقه عشان مرة ثانية ينتبه للدرس ولا يصير اهو الوحيد اللي بينا مو فاهم!!
انا: دام جذيه انا عيل لازم اكفخ طلبتي كل يوم اوقفهم طابور 300 طالب كل يوم!!
بوصابر: انت مدرس شنو؟
انا: مدرس تاريخ حجي.
بوصابر: أي عدل اشوفك مجابلني تحب سوالف قبل العتيجة..ولا واحد بعمرك يعني شكو يعيش التاريخ وغبرته..
انا: حجي التاريخ كله حكم ومواعظ وعبر..
بوصابر: اشوف ربعنا تعلمو منه شي؟!
انا: حجي جنك صرت سياسي؟
بوصابر: انا طول عمري يم الساس امشي ما فكرت اقول ليش هذا جذيه وليش فلان عنده وانا ما عندي وليش ديرتنا جذيه..الحمدلله احنا احسن من غيرنا وخيرنا مغطي غيرنا.
انا: عدل حجي بس اذا كل واحد سكت يضيع الحق وتضيع الديرة..
بوصابر: يعني الحين بتقنعني ان الناس اخذت حقوقها بالقانون..انا الجرايد ما اقراها ويويله اللي يحط جريدة قبالي!
انا: ليش الجرايد فيها اخبار العالم والديرة؟
بوصابر: زمان اول كان اللي يقرون مو وايد واللي يشترون الجرايد ناس عندها فلوس..كان الواحد فيهم يمسك الجريدة متروسة كلام ويقعد يقرا بصوت عالي الناس تقعد تسمع..عبد الناصر وتيتو والاتحاد السوفيتي ولبنان واليمن والمغرب وشقاعد يصير في مصر..كنا نعتبر الجريدة صج معلومة حقيقية نرد البيت نقولها للحريم..الحين تلاقي الجرايد من كثر ما عندها سالفه تكتب عن فلان سافر وفلان تزوج وفلان نجح وفلان مات وفلان قال وعلان شال..ابي شي صج مافي..في واحد من اللي بالقهوة ولده ساقط بالثانوية ولما نجح اخذ دور ثاني وبالغصب نجحوه بالغش والواسطة عمره 20 سنة وتوه متخرج من الثانوية..ذاك اليوم ابوه ياي القهوة يقول شفتو الجريدة شكاتبين عن ولدي..احتفل فلان الفلاني بتخرج نجله علان من الثانوية ويستعد للدارسة في الخارج...صج كلك "كلك أي كذب" ولده يدرس بمعهد الكهربا والماي لا وساقط بعد!!
انا" حجي انت مو سياسي الا فطحل بالسياسة!!
بوصابر: خل عنك هالسوالف انت ما قلت لي شعندك من عيال؟
انا: انا توني متزوج صار لي سنتين..
بوصابر: يعني ما عندك عيال؟
انا: زوجتي حامل وان شاء الله ولي العهد بالطريج.
بوصابر: الله يرزقك بالذرية الصالحة..شوف نصيحة اذا ياتك بنت علمها احسن تعليم اصرف عليها دم قلبك لأن البنت راح تبرك اكثر من الولد.
انا: اللي ايي من الله حياه الله.
بوصابر: شوف انا عندي 6 بنات بس كل بنت عن 10 رياييل الكل يقوم فيني..اصغرهم ما تعرف تنام الا لم تتأكد اني نايم..هذا غير الباجي كل وحده من العصر مجابليني اللي تهمزني اللي تشتري لي اغراض واللي تييب عيالها.
انا: حجي وصابر؟
بوصابر: انا ما عندي ولد اسمه صابر؟!
انا: شلون عيل ليش اسمك بوصابر؟
بوصابر: يبا انا تزوجت وزوجتي كانت ما تييب الا البنات وكل مرة كنت اقول انا صابر وان شاء الله يرزقني؟ ولغاية ما كبرت وما شفت الولد وحلفت ان اذا ياني ولد ابي اسميه صابر..بس الحين خلاص الحمدلله بناتي شايليني على راسهم الله يخليهم..
انا: الله يخليهم لك انزين سؤال حجي...
بوصابر: اسأل؟
انا: حجي ما شاركت بمظاهرات سياسية ايام المدرسة؟
بوصابر: شوف انا طلعت بمظاهرة سنة من السنين وما ادري شسالفه كل اللي اعرفه عشان فلسطين..ابوي كان موصيني اوخر عن هالسوالف ولا ترا بيذبحني..ومن يومها ما طلعت بمظاهرة ولا حتى اقرا شي سياسي!
انا: بس احنا في بلد ديموقراطي وعادي يعني هالشغلات؟
بوصابر: السياسة تبي اهلها انا كنت مهتم بعيالي وبالبيت طول هالسنيس شنو مستفيد فلان قال وعلان قال..يبا الهوامير بالديرة من عمر اهم اللي يشقون ويخيطون واحنا نلبس!!
انا: يعني ما رحت انتخبت احد بالانتخابات؟
بوصابر: لا هذه غير انا اقعد وقت الانتخابات افتر من الربع نشوف لنا منو منهم يمشي شغلنا خبرك احنا سوالفنا يا قروض اسكان او نبي غرفة خصوصي او واحد منا تعبان يبي يسافر علاج او كلش كلش عيالنا وبناتنا نبي لهم المدارس الزينة والنجاح..يعني مالنا شغل شقاعد يقول هذا او ذاك..واذا على التصويت انا اروح لأن هذا واجب وطني اشوف مني اللي خدمني واللي يخدم واحد بعمري ولد هالديرة اتوقع انه فيه الخير للكل عشان جذيه تلاقيني اصوت له.
انا: انزين حجي شلون الدراسة على ايامكم؟
بوصابر: ايي ايي كانت حلوة صحيح ما كنت شاطر وايد وياما جحشوني "تم ضربه بالعصا على بطن رجله" مو لأني مو شاطر لا ..لأني كنت امشي ورا مجموعة صبيان شياطين وكنت انا اللي انصاد وانطق..حتى ابوي كان مصمم يطلعني بره المدرسة ويشغلني حمالي بالسوق عشان اتعلم قيمة المدرسة والعلم.
انا: صج كانو المدرسين يفهمون وان المدرسة فيها كل شي؟
بوصابر: احنا كنا ننام بالمدرسة ..كان في صبيان ما ودهم يردون البيت..كان في حصص موسيقى كنا نغني ونعزف اناشيد وطنية وقومية..كنا نتعلم التاريخ عن هارون الرشيد وعن عمر بن عبدالعزيز وعن فتح الاندلس والفاطميين والمماليك وعن هتلر وعن الهنود الحمر وعن شغلات ما ادري ليش ما قامو يدرسونها لعيالنا..الحين الواحد فيهم تقوله شسمك يستحي ويبقق عيونه!!.. كان عندنا مدرس فلسطيني يخرع اسمه اسعد كان يدرسنا لغة عربية..لأنه كان شديد كانو الطلبة كلمهم بالصف يسكتون ولا واحد فيهم يتنفس..كان يخلينا نقرا قصيدة واللي يغلط ياخذ له بالعصا على جتفه وايده..حتى اللي قاعد يمه ينطق معاه!!
انا: ليش؟!
بوصابر: كان يقول ان لازم كل طالب يهتم بزميله لأنه هذا من باب التعاون وبعدين اذا صار زميلك شاطر وانت شاطر راح تتعلمون بسرعة وتصيرون تفهمون بعض مو واحد فاهم والثاني "زي الاطرش بالزفه..ولا" اذكر مرة كان واحد من الصبيان سرحان..يا فلان جاوب يا فلان انطق ..ابد صاحبنا سرحان ما ادري شفيه..قام المدرس وقفنا كلنا وطقنا كل واحد طقتين بالعصا الا هالسرحان!!
انا: شدعوه ليش كلهم وهو لا؟
بوصابر: بعد ما صحى السرحان اللي طلع نايم..قال شفيكم ليش تبجون اخذناه وكل واحد طقه عشان مرة ثانية ينتبه للدرس ولا يصير اهو الوحيد اللي بينا مو فاهم!!
انا: دام جذيه انا عيل لازم اكفخ طلبتي كل يوم اوقفهم طابور 300 طالب كل يوم!!
بوصابر: انت مدرس شنو؟
انا: مدرس تاريخ حجي.
بوصابر: أي عدل اشوفك مجابلني تحب سوالف قبل العتيجة..ولا واحد بعمرك يعني شكو يعيش التاريخ وغبرته..
انا: حجي التاريخ كله حكم ومواعظ وعبر..
بوصابر: اشوف ربعنا تعلمو منه شي؟!
انا: حجي جنك صرت سياسي؟
بوصابر: انا طول عمري يم الساس امشي ما فكرت اقول ليش هذا جذيه وليش فلان عنده وانا ما عندي وليش ديرتنا جذيه..الحمدلله احنا احسن من غيرنا وخيرنا مغطي غيرنا.
انا: عدل حجي بس اذا كل واحد سكت يضيع الحق وتضيع الديرة..
بوصابر: يعني الحين بتقنعني ان الناس اخذت حقوقها بالقانون..انا الجرايد ما اقراها ويويله اللي يحط جريدة قبالي!
انا: ليش الجرايد فيها اخبار العالم والديرة؟
بوصابر: زمان اول كان اللي يقرون مو وايد واللي يشترون الجرايد ناس عندها فلوس..كان الواحد فيهم يمسك الجريدة متروسة كلام ويقعد يقرا بصوت عالي الناس تقعد تسمع..عبد الناصر وتيتو والاتحاد السوفيتي ولبنان واليمن والمغرب وشقاعد يصير في مصر..كنا نعتبر الجريدة صج معلومة حقيقية نرد البيت نقولها للحريم..الحين تلاقي الجرايد من كثر ما عندها سالفه تكتب عن فلان سافر وفلان تزوج وفلان نجح وفلان مات وفلان قال وعلان شال..ابي شي صج مافي..في واحد من اللي بالقهوة ولده ساقط بالثانوية ولما نجح اخذ دور ثاني وبالغصب نجحوه بالغش والواسطة عمره 20 سنة وتوه متخرج من الثانوية..ذاك اليوم ابوه ياي القهوة يقول شفتو الجريدة شكاتبين عن ولدي..احتفل فلان الفلاني بتخرج نجله علان من الثانوية ويستعد للدارسة في الخارج...صج كلك "كلك أي كذب" ولده يدرس بمعهد الكهربا والماي لا وساقط بعد!!
انا" حجي انت مو سياسي الا فطحل بالسياسة!!
بوصابر: خل عنك هالسوالف انت ما قلت لي شعندك من عيال؟
انا: انا توني متزوج صار لي سنتين..
بوصابر: يعني ما عندك عيال؟
انا: زوجتي حامل وان شاء الله ولي العهد بالطريج.
بوصابر: الله يرزقك بالذرية الصالحة..شوف نصيحة اذا ياتك بنت علمها احسن تعليم اصرف عليها دم قلبك لأن البنت راح تبرك اكثر من الولد.
انا: اللي ايي من الله حياه الله.
بوصابر: شوف انا عندي 6 بنات بس كل بنت عن 10 رياييل الكل يقوم فيني..اصغرهم ما تعرف تنام الا لم تتأكد اني نايم..هذا غير الباجي كل وحده من العصر مجابليني اللي تهمزني اللي تشتري لي اغراض واللي تييب عيالها.
انا: حجي وصابر؟
بوصابر: انا ما عندي ولد اسمه صابر؟!
انا: شلون عيل ليش اسمك بوصابر؟
بوصابر: يبا انا تزوجت وزوجتي كانت ما تييب الا البنات وكل مرة كنت اقول انا صابر وان شاء الله يرزقني؟ ولغاية ما كبرت وما شفت الولد وحلفت ان اذا ياني ولد ابي اسميه صابر..بس الحين خلاص الحمدلله بناتي شايليني على راسهم الله يخليهم..
انا: الله يخليهم لك انزين سؤال حجي...
بوصابر: اسأل؟
نكمل باجر...
ليست هناك تعليقات:
إرسال تعليق