15 سبتمبر 2008

نورية..انا صايم!!



ما تبون مدرس خصوصي!!




قبل يوم الانتخابات 17 مايو 2008 أغلب المرشحين اذا مو كلهم اعتبرو جرافات البلدية جيش بربري هدم وخرب واحد من معالم المجتمع الكويتي وهو الديوانيات..وصار كل مرشح يتباهي بلسانه الزفر في محاسبة أكبر راس..حتى بعضهم قرر يستجوب أي وزير حتى لو وزير الصحة في موضوع ازالة الديوانيات..ولما قدر بعضهم يفوز بالكرسي النيابي عن طريق الفرعيات اللي اهي بحد ذاتها تعدي على قرار السلطة التشريعية والدستور..طلعت بعض الاصوات الشاذة تدندن على نفس الوتر وهو الحفاظ على ديوانيات الناخبين المضمون صوتهم "عور" مع ان بعضهم اقسم على الدستور.




المشكلة ان اللجنة التشريعية بالمجلس توافق عل تخطي قانون أملاك الدولة بكل جرأة مع أنها اللجنة اللي تعتبر المطبخ الأساسي لأي قانون وهي أكثر لجنة المفروض تعرف أنه ما يصير لو تحج البقر أن تمرر مشروع قانون او اقتراح لقاعة المجلس وهو يتعارض مع الدستور او قانون موجود في الأصل!! اعتقد انهم يبون مدرس خصوصي وهذا سهل انا ادبره لهم الساعة 10 دنانير.






اللهم إني صايم يا نورية!!




وزيرتنا المحبوبة نورية الصبيح تقول ان المدارس مستعدة وان مافي أي مشكلة..انا اقول للوزيرة المحبوبة إنها تراجع نفسها وتقرأ على روحها وتلغي مسلسل "تصريحات الصحاف" لأن كل مدارس المرحلة الثانوية ما استلمت كتب مادة الدستور وحقوق الانسان للصف الثاني عشر ومكيفات المدارس مختربة...

نصيحة لا تصرحين لأن معظم التصريحات تموت من الضحك وبعضها يفطر الطلبة والمعلمين الصايمين!!




يا شيخ أقيم الحد!!


لو سمحتو ممكن واحد يقولي شنو الإضافة اللي قدمها برنامج دندرمه غير "كلام الشوارع" وفنون الرقص مع الهشك بشك!! نصيحة للشيخ نبيل العوضي شلون ترضى على نفسك تطلع في محطة تحط مثل هالبرنامج الهابط واللي فيه من المخالفات الشرعية اللي تخليك تقيم الحد ومن كثر ما تقيمه يطيح حيلك يا شيخ!!






وصيص في ديرتنا وصاويص!!








هناك 5 تعليقات:

Salah يقول...

يا عزيزي التربية الود ودها تلغي تدريس الدستور وحقوق الانسان من المنهج.

يمكن نورية متعمدة ما وزعت الكتب؟

اللهم اني صائم

أخوك/ صلاح (مو صالح) :)

alsaronah يقول...

خل يعدلون التكييف بعد والله خاسوا ..

يا نورية ... شلونج عيني ؟؟

KuWaIt MaStEr يقول...
أزال المؤلف هذا التعليق.
KuWaIt MaStEr يقول...

خل القرعه ترعه
الله يسلمك بالشعبه مالتنه المكيف بس صوت واهمه مكيفين والي يشتغل واحد
عاد الله ومادة الدستور اخاف بنصير وزره وله نواب خله على الله بس
توه قاعد اسمع ببرنامج الديوانيه بمرينا اف ام ممنوع حق الابلات يلبسون جينزات و الموظفات الي بوزارة التربيه شي اكيد قاعدين يلبسون جينزات اصلا وزارة التربيه بكبرها غلط وعلى سالفة دندرمه السخيف
ذيك المره انصدمت لمن حطوا الاغاني حاطين بنت لابسه شبه بكيني اللهم اني صائم ورقص وهز يعني اصوم و اصوم وافطر على بصله انصوم و نصلي اخر شي نخرب روحنه

كاريكاتير يقول...

السلام

الاخ صلاح

بالنسبة للوزارة ما تدري شنو تبي بالضبط لأن مافي نظرية في التعليم تتبعها الوزارة ولا في استراتيجية وربط بين احتياجات المواطن والدولة..اهتمامهم منصب على ان تظل الوزارة على حالها!!

الاخت السارونه البارونه

يقولون ..ان الوزارة قررت صر لاب توب لكل طالب في السنوات الماضية طبعا هذا بديلا عن تصليح التكييف!!

الاخ ماستر الكويت

اتفق واختلف معاك..

مادة الدستور وحقوق الانسان من المواد اللي فعلا كانت تنقص مناهج وزارة التربية وتأخرت الوزارة في اقرارها صحيح الكتاب مااعتبره بذاك القوةلكن على الاقل في مجال ان الطالب اللي بيكون مواطن لازم يعرف الدستور واللي فيه بدل ما يعيش على الاشاعات ويضيع اما حقوق الانسان فصدقني ومن واقع تجربة هذه المادة بحاجة لجعلها الزامية من المتوسط لأنها راح تعالج امور كثيرة اذا تم تطبيقها بطريقة تختلف عن كافة المواد الثانية..

اما دندرمة..فهو من البرامج اللي تستحق جائزة "ويع اوورد" اللي راح اطلقها قريبا في المدونة!!!