قبل البدء في سوالف بوصابر أحب أنوه إن هذه السوالف بما تحتويه من قصص وأسماء، من نسج الخيال ولا تتعلق بالواقع وإذا صار في تطابق أو تشابه مع بعض الناس فهذا من حظ المؤلف وخياله!!
الحلقة الأولى
كنت طالع من البيت متجه لسوق المباركية عشان أشتري دلاقات جديدة، وقلت فرصة بما إني واصل السوق آخذ معاي كاميرتي الشخصية والتقط بعض الصور في السوق من باب الذكرى، وبعد جولة عند البياعين المهارى قلت أمر المكتبة الوطنية، وللأسف لقيتها مسكره ومع هذا قلت خل أصور بعض اللقطات من زوايا مختلفة، كان السوق الداخلي اللي اصور فيه معظم محلاته مغلقة وما يمشي في السوق غير بعض المارة اللي أغلبهم من الجالية الآسيوية، وانا أصور وصلت قهوة بوناشي واحدة من أشهر المقاهي الشعبية في سوق المباركية وتحديدا في السوق الداخلي، وهناك لقيت بعض الشياب اللي مستمتعين بجو الرطوبة ويشربون القدو وأغلبهم سرحان كل في همومه، دخلت القهوة وحاولت أصور بعض زواياها وصادفت أحد زبائن القهوة الدائمين وهو بوصابر، ولأنه ما كان منتبه لي حاولت أصوره من غير ما يدري وما وعيت الا وبوصابر يعدل نفسه وكأنه يرحب في استكمال جلسة التصوير، وبعد ما خلصت ولأني حسيت إن عيب ما أكسب القهوة لو 100 فلس طلبت لي بارد.
قعدت اشرب البارد "مصطلح يقصد به أي مشروب غازي باردد" ولما حسيت ان لازم اطلع قبل لا تغيب الشمس، بادرني بسؤاله..
بوصابر: انت اول مرة تيي السوق؟
انا: لا مو أول مرة!
بوصابر: في وايد ناس تيي السوق أول مرة ويقعدون يصورون فيه وفينا لما نزهق منهم؟!
انا: حجي انت متضايق اني صورتك؟
بوصابر: لا ليش اتضايق شدعوه مصورني مفصخ!! صور صور يبا استانس شدعوه قاعد تصور مارلين مونرو!!
انا: اسمح لي انا السوق الداخلية والمباركية احبهم لأن الوالد من عمر كان كله اييبني هالمكان.
بوصابر: أكيد هالسوق يا ولدي صحيح جددوه لكن تظل فيه ريحة أيام اول، أيام كان هالسوق هو حياة الناس..
أنا: حجي من متى وانت تيي القهوة؟
بوصابر: بيه بيه انا من أيام يدي الله يرحمه كنت ايي مع ابوي كنت صغير ألعب بالدرباحة..كان الوالد يقعد يم أبوه "يدي" ويسمع سوالف الرياييل والتجار.
انا: وعسى للحين في ناس وتجار يقعدون بالقهوة؟
بوصابر: لا هذاك أول الناس تغيرت ماعاد السوق مثل أول..الحين ما تحصل فيه غير اللي منحاش من الديانه واللي فاضي مثلي ويحب هالمكان.
انا: ...
بوصابر: انت ياي تصور وتمشي ولا ياي تشتري أغراض؟
انا: انا ياي اشتري وقلت على طريجي اصور.
بوصابر: بس شكلك مو مال تشتري شي من هالسوق انت مال تروح هالمجمعات ويهك مو حق سوق المباركية وسوق الواجف "سوق واجف او واقف..سمي بهذا الاسم نسبة لوقوف اغلب الزبائن لشراء حاجياتهم من البسطات التي كانت النساء تبعن بها..ويسمى أيضا بسوق الحريم نظرا لكثرة الحريم البائعات فيه".
انا: لا شعدوه حجي اللي ما له أول اكيد ماله تالي..انا ياي اشتري جم شغله حقي.
بوصابر: وشنو هالجم شغله اللي ما لقيتهم بهالمجمعات المكيفة الحلوة وحصلته بالسوق اهني؟!
انا: ياي اشتري دلاقات.
بوصابر: دلاقات...حقك ولا حق أحد ثاني؟!
انا: اكيد حقي بس ليش هالسؤال؟!
بوصابر: شوف اذا الدلاقات حقك مو مشكلة بس حق غيرك دربالك..انت متزوج؟!
انا: ايي الحمدلله بس شكو؟!
بوصابر: انت متأكد ان الدلاقات مو حق زوجتك؟!
انا: ايي اصلا زوجتي ما تواطن هالسوق هالمرة اشتري لها دلاقات!!
بوصابر: اشوه طمنتي!!
انا: طمنتك على شنو شصار ..لايكون الدلاقات بالسوق فيهم شي؟!
بوصابر: لا مافيهم شي رخاص وزينين بس طمنتني.
انا: طمنتك على شنو..وضح حجي؟
بوصابر: لا خلاص مو لازم اوضح طمنتني وخلاص.
انا: لا تكفه حجي امانة قول؟
بوصابر: اخاف ما عندك وقت تسمع اللي بقوله؟
انا: لا تحاتي عندي وقت واذا ما عندي وقت افضي وقتي عشان اسمع؟
بوصابر: عندي واحد من الربع ولده العود تزوج..
انا: حجي شكو واحد من ربعك وولده بسالفة الدلاقات...؟!
بوصابر: اشفيك مطفوق!! خل اكمل "زفني الشايب"
انا: اسف قاطعتك كمل..
بوصابر: يقولك ان هالريال تزوج من بنت حموله معروف عنهم الاخلاق.
انا: والنعم فيهم بس شكو الدلاقات ببنت الحموله؟!
بوصابر: انت الظاهر ما تبي تسمع السالفه وانا غلطان بسولف معاك..!!
انا: السموحه خلاص راح انطم "انطم تعني السكوت عن الكلام"
بوصابر: المهم الريال عاش مع زوجته حياة سعيدة وما عمرهم الجيران سمعو حسهم ولا حتى حس عيالهم..وبيوم من الايام وكان الجو بارد شاف هالزوج زوجته ترجف تقول طقطاقي "الطقطاقي تعني الدراجة النارية"..عسى ما شر شفيج يا مره انتي مريضه؟! لا مافيني شي بردانه بس..تدفي عدل وقربي من الدفاية.
انا: انزين وبعدين..
بوصابر: ثاني يوم شاف الزوج ان زوجته ترجف وميتة برد وايد..قام سألها انت اكيد مريضة شفيج تنافضين ليش ما تدفين وين دلاقاتج؟! ما عندي ودلاقاتي مشققة! مشققة افا عليج الحين اروح السوق اشتري لج دلاقات بعد آمري يا ام عيالي؟
انا: طبيعي هالزوج راح السوق واشترى لزوجته دلاقات.
بوصابر: شرايك تكمل السالفه بدالي..انت ليش ويهك منجب!! "منجب تعني عريض..وتطلق على من يتدخل في أمور لاتعنيه"
انا: ما عليه ابي اعرف شنو صار بعدين.
بوصابر: بعد ما اشترى لها الدلاقات شافها ثاني يوم هم بردانه ولا البست الدلاقات؟! شفيج يا مره عسى ما شر وين الدلاقات اللي شريتهم ليش ما لبستيهم؟ قالت ما ابي البس الدلاقات اصلا اليوم كان المفروض يمروني حريم الفريج واطلع معاهم نزور ام حمد توها والده.. لكن ما قدرت اطلع معاهم!! ليش ما طلعتي شفيج؟! شلون تبيني اطلع معاهم وانا الجوتي يفشل ومقطع!! يرضيك اطلع مع الحريم بجوتي مقطع شنو يقولون عني؟! لا ما يرضيني شتامرين عليه تبين تروحين السوق ونشتري لج جوتي يديد؟ لا ما ابي اكلف عليك المعاش للحين ما نزل.. لا يا ام عيالي افا عليج الخير وايد تعالي نطلع نشتري لج احسن جوتي بالسوق.
انا: وبعدين شصار حجي؟
بوصابر: ها قلت شنو صار..بعد جم يوم شاف الزوج زوجته قاعده بالصالة متضايقة؟ شوف يا مره عسى ما شر العيال فيهم شي اهلج فيهم شي انت فيج شي؟! لا سلامتك مافيني شي؟ عيل ليش ماده بوزج شبرين "البوز يقصد فيه الشفاة ومدة البوز تعني ضيقة الخلق" مافيني شي لا تحاتي..شلون ما احاتي شفيج تبين شي طلبي وتدللي؟ ابد ذاك اليوم كنت بروح عرس بنت خالة امي بس ما رحت!! أي اذكر على بالي رحتي انزين ليش مارحتي عسى ما شر؟ ابد بطلت الكبت "الكبت يعني خزانة الملابس واغلب الظن التسمية اما فارسية او هندية ويرجع الثانية وفي ايامنا السوداء هذه الكبت حالة نفسية يعيشها الكويتيون جراء عدم سفرهم للسياحة او لعدم وجود رصيد في البنك بعد يومين من استلام الراتب" بطلت الكبت ومالقيت نفنوف البسه للعرس!! شلون ما لقيتها وانتي نفانيفج اكثر من دشاديشي؟ لا كل النفانيف شافوني فيهم الحريم وما ترضى البس نفنوف شافوني فيه مرتين او ثلاث!! يعني تبين تشترين نفنوف يديد حاضر.
انا: بعدين...
نكمل سوالف بوصابر باجر!!
الحلقة الأولى
كنت طالع من البيت متجه لسوق المباركية عشان أشتري دلاقات جديدة، وقلت فرصة بما إني واصل السوق آخذ معاي كاميرتي الشخصية والتقط بعض الصور في السوق من باب الذكرى، وبعد جولة عند البياعين المهارى قلت أمر المكتبة الوطنية، وللأسف لقيتها مسكره ومع هذا قلت خل أصور بعض اللقطات من زوايا مختلفة، كان السوق الداخلي اللي اصور فيه معظم محلاته مغلقة وما يمشي في السوق غير بعض المارة اللي أغلبهم من الجالية الآسيوية، وانا أصور وصلت قهوة بوناشي واحدة من أشهر المقاهي الشعبية في سوق المباركية وتحديدا في السوق الداخلي، وهناك لقيت بعض الشياب اللي مستمتعين بجو الرطوبة ويشربون القدو وأغلبهم سرحان كل في همومه، دخلت القهوة وحاولت أصور بعض زواياها وصادفت أحد زبائن القهوة الدائمين وهو بوصابر، ولأنه ما كان منتبه لي حاولت أصوره من غير ما يدري وما وعيت الا وبوصابر يعدل نفسه وكأنه يرحب في استكمال جلسة التصوير، وبعد ما خلصت ولأني حسيت إن عيب ما أكسب القهوة لو 100 فلس طلبت لي بارد.
قعدت اشرب البارد "مصطلح يقصد به أي مشروب غازي باردد" ولما حسيت ان لازم اطلع قبل لا تغيب الشمس، بادرني بسؤاله..
بوصابر: انت اول مرة تيي السوق؟
انا: لا مو أول مرة!
بوصابر: في وايد ناس تيي السوق أول مرة ويقعدون يصورون فيه وفينا لما نزهق منهم؟!
انا: حجي انت متضايق اني صورتك؟
بوصابر: لا ليش اتضايق شدعوه مصورني مفصخ!! صور صور يبا استانس شدعوه قاعد تصور مارلين مونرو!!
انا: اسمح لي انا السوق الداخلية والمباركية احبهم لأن الوالد من عمر كان كله اييبني هالمكان.
بوصابر: أكيد هالسوق يا ولدي صحيح جددوه لكن تظل فيه ريحة أيام اول، أيام كان هالسوق هو حياة الناس..
أنا: حجي من متى وانت تيي القهوة؟
بوصابر: بيه بيه انا من أيام يدي الله يرحمه كنت ايي مع ابوي كنت صغير ألعب بالدرباحة..كان الوالد يقعد يم أبوه "يدي" ويسمع سوالف الرياييل والتجار.
انا: وعسى للحين في ناس وتجار يقعدون بالقهوة؟
بوصابر: لا هذاك أول الناس تغيرت ماعاد السوق مثل أول..الحين ما تحصل فيه غير اللي منحاش من الديانه واللي فاضي مثلي ويحب هالمكان.
انا: ...
بوصابر: انت ياي تصور وتمشي ولا ياي تشتري أغراض؟
انا: انا ياي اشتري وقلت على طريجي اصور.
بوصابر: بس شكلك مو مال تشتري شي من هالسوق انت مال تروح هالمجمعات ويهك مو حق سوق المباركية وسوق الواجف "سوق واجف او واقف..سمي بهذا الاسم نسبة لوقوف اغلب الزبائن لشراء حاجياتهم من البسطات التي كانت النساء تبعن بها..ويسمى أيضا بسوق الحريم نظرا لكثرة الحريم البائعات فيه".
انا: لا شعدوه حجي اللي ما له أول اكيد ماله تالي..انا ياي اشتري جم شغله حقي.
بوصابر: وشنو هالجم شغله اللي ما لقيتهم بهالمجمعات المكيفة الحلوة وحصلته بالسوق اهني؟!
انا: ياي اشتري دلاقات.
بوصابر: دلاقات...حقك ولا حق أحد ثاني؟!
انا: اكيد حقي بس ليش هالسؤال؟!
بوصابر: شوف اذا الدلاقات حقك مو مشكلة بس حق غيرك دربالك..انت متزوج؟!
انا: ايي الحمدلله بس شكو؟!
بوصابر: انت متأكد ان الدلاقات مو حق زوجتك؟!
انا: ايي اصلا زوجتي ما تواطن هالسوق هالمرة اشتري لها دلاقات!!
بوصابر: اشوه طمنتي!!
انا: طمنتك على شنو شصار ..لايكون الدلاقات بالسوق فيهم شي؟!
بوصابر: لا مافيهم شي رخاص وزينين بس طمنتني.
انا: طمنتك على شنو..وضح حجي؟
بوصابر: لا خلاص مو لازم اوضح طمنتني وخلاص.
انا: لا تكفه حجي امانة قول؟
بوصابر: اخاف ما عندك وقت تسمع اللي بقوله؟
انا: لا تحاتي عندي وقت واذا ما عندي وقت افضي وقتي عشان اسمع؟
بوصابر: عندي واحد من الربع ولده العود تزوج..
انا: حجي شكو واحد من ربعك وولده بسالفة الدلاقات...؟!
بوصابر: اشفيك مطفوق!! خل اكمل "زفني الشايب"
انا: اسف قاطعتك كمل..
بوصابر: يقولك ان هالريال تزوج من بنت حموله معروف عنهم الاخلاق.
انا: والنعم فيهم بس شكو الدلاقات ببنت الحموله؟!
بوصابر: انت الظاهر ما تبي تسمع السالفه وانا غلطان بسولف معاك..!!
انا: السموحه خلاص راح انطم "انطم تعني السكوت عن الكلام"
بوصابر: المهم الريال عاش مع زوجته حياة سعيدة وما عمرهم الجيران سمعو حسهم ولا حتى حس عيالهم..وبيوم من الايام وكان الجو بارد شاف هالزوج زوجته ترجف تقول طقطاقي "الطقطاقي تعني الدراجة النارية"..عسى ما شر شفيج يا مره انتي مريضه؟! لا مافيني شي بردانه بس..تدفي عدل وقربي من الدفاية.
انا: انزين وبعدين..
بوصابر: ثاني يوم شاف الزوج ان زوجته ترجف وميتة برد وايد..قام سألها انت اكيد مريضة شفيج تنافضين ليش ما تدفين وين دلاقاتج؟! ما عندي ودلاقاتي مشققة! مشققة افا عليج الحين اروح السوق اشتري لج دلاقات بعد آمري يا ام عيالي؟
انا: طبيعي هالزوج راح السوق واشترى لزوجته دلاقات.
بوصابر: شرايك تكمل السالفه بدالي..انت ليش ويهك منجب!! "منجب تعني عريض..وتطلق على من يتدخل في أمور لاتعنيه"
انا: ما عليه ابي اعرف شنو صار بعدين.
بوصابر: بعد ما اشترى لها الدلاقات شافها ثاني يوم هم بردانه ولا البست الدلاقات؟! شفيج يا مره عسى ما شر وين الدلاقات اللي شريتهم ليش ما لبستيهم؟ قالت ما ابي البس الدلاقات اصلا اليوم كان المفروض يمروني حريم الفريج واطلع معاهم نزور ام حمد توها والده.. لكن ما قدرت اطلع معاهم!! ليش ما طلعتي شفيج؟! شلون تبيني اطلع معاهم وانا الجوتي يفشل ومقطع!! يرضيك اطلع مع الحريم بجوتي مقطع شنو يقولون عني؟! لا ما يرضيني شتامرين عليه تبين تروحين السوق ونشتري لج جوتي يديد؟ لا ما ابي اكلف عليك المعاش للحين ما نزل.. لا يا ام عيالي افا عليج الخير وايد تعالي نطلع نشتري لج احسن جوتي بالسوق.
انا: وبعدين شصار حجي؟
بوصابر: ها قلت شنو صار..بعد جم يوم شاف الزوج زوجته قاعده بالصالة متضايقة؟ شوف يا مره عسى ما شر العيال فيهم شي اهلج فيهم شي انت فيج شي؟! لا سلامتك مافيني شي؟ عيل ليش ماده بوزج شبرين "البوز يقصد فيه الشفاة ومدة البوز تعني ضيقة الخلق" مافيني شي لا تحاتي..شلون ما احاتي شفيج تبين شي طلبي وتدللي؟ ابد ذاك اليوم كنت بروح عرس بنت خالة امي بس ما رحت!! أي اذكر على بالي رحتي انزين ليش مارحتي عسى ما شر؟ ابد بطلت الكبت "الكبت يعني خزانة الملابس واغلب الظن التسمية اما فارسية او هندية ويرجع الثانية وفي ايامنا السوداء هذه الكبت حالة نفسية يعيشها الكويتيون جراء عدم سفرهم للسياحة او لعدم وجود رصيد في البنك بعد يومين من استلام الراتب" بطلت الكبت ومالقيت نفنوف البسه للعرس!! شلون ما لقيتها وانتي نفانيفج اكثر من دشاديشي؟ لا كل النفانيف شافوني فيهم الحريم وما ترضى البس نفنوف شافوني فيه مرتين او ثلاث!! يعني تبين تشترين نفنوف يديد حاضر.
انا: بعدين...
نكمل سوالف بوصابر باجر!!
ليست هناك تعليقات:
إرسال تعليق