انا: شوارع الكويت قبل ما تغيرت عليك الديرة اللي اهي الديرة ما تغيرت عليك؟
بوصابر: كل شي تغير الشوارع المباني المدارس الوزارات..انا كنت موظف بالبلدية كانو المراجعين واقفين بالدور والكل يعزم الثاني على الدور..ما اقولك مافي واسطات في بس على شي جايد وكبير..كان بوأسامه الموظف اللي يدوام معاي بنفس المكتب يقول حق كل واحد يوصله انا واسطتك بالبلدية..عشان جذيه تلاقي كل المراجعين يروحون له كان يخدمهم بعيونه..مسكين عيونه راحت بعد سنين من الخدمة ولما راح يطلب علاج بالخارج قالو له حط واسطة..تخيل كويتي ماله علاج بالديره فلازم يسافر بس وين لازم عندك نائب ولا واحد واصل!!
انا: حجي شنو كنت تشتغل بالبلدية؟
بوصابر: انا كنت مفتش كهربا للبيوت اروح مع المراجعين اللي توهم بانين البيوت اشوف توصيل الكهربا فيه مشكلة ولا لا؟
انا: وشلون كان تعامل المراجعين معاك؟
بوصابر: كنت اطلع من البيت اروح الدوام وانا ادري ان المراجعين يزيدون خبرك صارت الحكومة تثمن للكل والكل يبني واحنا كنا نحاول نمشي شغل العالم..نروح بيتهم ونسمي بالرحمن ونقولهم ان شغلهم صح ولا محتاج تعديل كانو كلهم يصدقون كلامنا وفعلا بعد جم يوم يردون واروح معاهم اشوف البيت وكل شي تمام التمام..عكس واحد من الموظفين اللي الحين صار مسؤول كبير بالوزارة وماني عارف شلون صار مسؤول كبير!! هالموظف الصغير كان ما يداوم وإذا يداوم يساحل "يتقرب من أجل المصلحة" للمدير واللي كان يقول انتو الكويتيين يوم من الايام راح تستلمون وظايف كبيرة داومو لاتخلون غيركم ياخذ هالمناصب..كان يقصد الفلسطينيين اللي صارت البلدية مقرهم والكويتيين بعد مدة يدور له فلسطيني يتوسط له بالبلدية او غيرها!! المهم الموظف اللي اسمه جاسم كان ياي الدوام ومبين عليه نايم وما كان راضي يمشي أي معاملة وكله يقول للناي باجر اللي عقبه الاسبوع الياي.. لغاية ما ذاك اليوم قرر واحد من المراجعين يفتن عليه "يفتن يبلغ" المهم المدير ما صدق الا لما شاف بنفسه الموظف نايم..قرر المدير ان يخليني نطلع من المكتب ونخليه نايم ونقفل الباب..كان يومها الخميس وباجر اليمعه عطلة..احنا مشينا وخليناه وما ادري شنو صار فيه يقول الفراش ان جاسم ما صحى الا وهو يصارخ الباب مقفول ما فتحو له الا على المغرب!! الغريبة ان هالموظف عاقبوه بالخصم..بعد سنين انا تعاقدت وهذا ظل بالبلدية ولا صار مسؤول كبير..والحظ الاقشر خلاني اروح الوزارة عن معاملة للاهل وصار لازم امر على هالموظف اللي ما تغيرت اطباعه الناس ليومك يكرهون يمرون مكتبه ولا حتى يطرون اسمه!!
انا : حجي سوالفك ما تنمل شرايك باجر امرك القهوة؟
بوصابر: ليش وين رايح مليت؟!
انا: لا حجي صيفت على البيت ان شاء الله باجر اييك القهوة جم الساعة تكون موجود؟
بوصابر: انا على الساعة 4 العصر تلاقيني بالقهوة يقطني بلال السايق وانزل اتمشى بالسوق الداخلي لغاية ما اوصل القهوة.
انا: خوش حجي السموحه ان اترخص "استأذن" في أمان الله..
بوصابر: في أمان الكريم...
يتبع غدا.....
بوصابر: كل شي تغير الشوارع المباني المدارس الوزارات..انا كنت موظف بالبلدية كانو المراجعين واقفين بالدور والكل يعزم الثاني على الدور..ما اقولك مافي واسطات في بس على شي جايد وكبير..كان بوأسامه الموظف اللي يدوام معاي بنفس المكتب يقول حق كل واحد يوصله انا واسطتك بالبلدية..عشان جذيه تلاقي كل المراجعين يروحون له كان يخدمهم بعيونه..مسكين عيونه راحت بعد سنين من الخدمة ولما راح يطلب علاج بالخارج قالو له حط واسطة..تخيل كويتي ماله علاج بالديره فلازم يسافر بس وين لازم عندك نائب ولا واحد واصل!!
انا: حجي شنو كنت تشتغل بالبلدية؟
بوصابر: انا كنت مفتش كهربا للبيوت اروح مع المراجعين اللي توهم بانين البيوت اشوف توصيل الكهربا فيه مشكلة ولا لا؟
انا: وشلون كان تعامل المراجعين معاك؟
بوصابر: كنت اطلع من البيت اروح الدوام وانا ادري ان المراجعين يزيدون خبرك صارت الحكومة تثمن للكل والكل يبني واحنا كنا نحاول نمشي شغل العالم..نروح بيتهم ونسمي بالرحمن ونقولهم ان شغلهم صح ولا محتاج تعديل كانو كلهم يصدقون كلامنا وفعلا بعد جم يوم يردون واروح معاهم اشوف البيت وكل شي تمام التمام..عكس واحد من الموظفين اللي الحين صار مسؤول كبير بالوزارة وماني عارف شلون صار مسؤول كبير!! هالموظف الصغير كان ما يداوم وإذا يداوم يساحل "يتقرب من أجل المصلحة" للمدير واللي كان يقول انتو الكويتيين يوم من الايام راح تستلمون وظايف كبيرة داومو لاتخلون غيركم ياخذ هالمناصب..كان يقصد الفلسطينيين اللي صارت البلدية مقرهم والكويتيين بعد مدة يدور له فلسطيني يتوسط له بالبلدية او غيرها!! المهم الموظف اللي اسمه جاسم كان ياي الدوام ومبين عليه نايم وما كان راضي يمشي أي معاملة وكله يقول للناي باجر اللي عقبه الاسبوع الياي.. لغاية ما ذاك اليوم قرر واحد من المراجعين يفتن عليه "يفتن يبلغ" المهم المدير ما صدق الا لما شاف بنفسه الموظف نايم..قرر المدير ان يخليني نطلع من المكتب ونخليه نايم ونقفل الباب..كان يومها الخميس وباجر اليمعه عطلة..احنا مشينا وخليناه وما ادري شنو صار فيه يقول الفراش ان جاسم ما صحى الا وهو يصارخ الباب مقفول ما فتحو له الا على المغرب!! الغريبة ان هالموظف عاقبوه بالخصم..بعد سنين انا تعاقدت وهذا ظل بالبلدية ولا صار مسؤول كبير..والحظ الاقشر خلاني اروح الوزارة عن معاملة للاهل وصار لازم امر على هالموظف اللي ما تغيرت اطباعه الناس ليومك يكرهون يمرون مكتبه ولا حتى يطرون اسمه!!
انا : حجي سوالفك ما تنمل شرايك باجر امرك القهوة؟
بوصابر: ليش وين رايح مليت؟!
انا: لا حجي صيفت على البيت ان شاء الله باجر اييك القهوة جم الساعة تكون موجود؟
بوصابر: انا على الساعة 4 العصر تلاقيني بالقهوة يقطني بلال السايق وانزل اتمشى بالسوق الداخلي لغاية ما اوصل القهوة.
انا: خوش حجي السموحه ان اترخص "استأذن" في أمان الله..
بوصابر: في أمان الكريم...
يتبع غدا.....
ليست هناك تعليقات:
إرسال تعليق