متى تبدأ الحكومة في محاربة الفساد؟
بالعيد
بالعيد
متى الحكومة توقف وقفة جدية لمحاربة غلاء الأسعار؟
بالعيد
متى بعض النواب ايوزون عن الإدلاء بتصريحات مالها داعي؟
بالعيد
متى نقدر نفتح جريدة من الجرايد وما نشوف تصعيد من السلطتين؟
بالعيد
متى نشوف مسلسل مافيه بجي وسحر وشوية خبول؟
بالعيد
متى بيصرفون الـ 50 دينار للناس؟
بالعيد
متى نقدر نعرف إن وكيل الصحة إقيل ولا استقال؟
بالعيد
متى نقدر نعرف إن المصفاة الرابعة بوقة ولا مشروع تنموي؟
بالعيد
متى تقدر الحكومة تبلش في إنهاء الدائري الأول؟
بالعيد
متى راح يتم استكمال مستشفى جابر بجنوب السرة؟
بالعيد
متى راح يبلشون يبنون جامعة الكويت بالشدادية؟
بالعيد
متى راح نعرف مصير المواطن حسين الفضالة المخطوف في إيران؟
بالعيد
متى تتوقع يحلون مجلس الأمة؟
بالعيد
متى نقدر ناخذ إجازة من زحمة الجمعيات والشوارع؟
بالعيد
متى نقدر نتمشى بمدينة الحرير؟
بالعيد
متى راح يبلشون مشروع تطوير فيلكا؟
بالعيد
متى راح نشوف أول استجواب بدور الانعقاد الحالي؟
بالعيد
متى تتوقع الحكومة راح تعترف بأن خطتها مو جاهزة وتبي سنتين زيادة؟
بالعيد
متى تشوف الوقت المناسب إني أشهر إفلاسي؟
بالعيد
متى تتوقع وزير الشؤون يكشف أسماء الشركات اللي انتهكت حقوق العمالة؟
بالعيد
انزين هل تتوقع إن اللجنة الانتقالية لإتحاد الكرة راح تسوي الانتخابات في وقتها؟
امممممممممم هم بالعيد
بصراحة ومن غير لف ولا دوران أبي اجابة صريحة وواضحة..
متى راح تحل الحكومة مشكلة البدون؟
بالعيد!!
سؤال قبل لا يصير العيد..
متى تتوقع تطلع لنا لجنة الظواهر السلبية بفنتك يديد؟
بالعيد
متى تتوقع راح استلم بيت الحكومة؟
بالمشمش!!
اااه يا القهر..كله بالعيد ..انزين تعال أي عيد فيهم!!!
ليست هناك تعليقات:
إرسال تعليق