مثل ما قلت لكم كنت رايح الخباز ولحقني الجلب وحكرني بزاوية بالفريج والمشكلة ان مافي احد هالحزه يمر بالفريج ما ادري الناس وينهم كل يوم هالحزه الناس تطلع على حظي وينهم!!
الجلب قبالي يا انه يعضني او اشقح الطوفه اللي وراي، كنت قصاصة "قصير القامة" المهم شسوي مو وقته يعضني ابي اعيد ولازم ارد البيت ومعاي الخبز ولا ابوي يغسلني وانا مو ناقص!! الجلب ينابح مو مخليني افكر بشي..ما اطولها عليك فكرت اصارخ لكن الصراخ ما راح اييب نتيجة لأني اساسا قاعد اصارخ طول ما اهو يلحقنيم افي احد بالفريج فكر حتى يطل منو هالياهل اللي يركض ووراه الجلب..
انا: انزين شسويت لايكون طرت!!
بوصابر: شنو اطير انا سوبر مان ولا الرجل الوطواط!! بصراحه انا قمت انابح بأقوى ما عندي انابح بويه الجلب اللي طقته البوهه ما ادري شفيه سكت وانا انابح قام الجلب هدني وركض بعيد وانا ظليت انابح ما رضيت اسكت ..قلبت جلب وقعدت ما سكت الا لما شفت ام سعود راعية الباجيلا مع ولدها اللي طقتهم البوهه "طقتهم البوهه أي اصابتهم الدهشة" ام سعود اخذت ولدها وانحاشت خافت قالت الظاهر هالولد مسكون او عاضه جلب وصار مسعور!!
انا: بصراحه اسمح لي حجي انا لو منك ادش بالطوفه ولا افكر باللي فكرت فيه انك تنابح!!
بوصابر: شنو ادش بالطوفه وين قاعدين توم جيري حضرتك..ايي يحق لك تتطنز انا الغلطان اسولف لك!!
انا: لا اسف حجي ما قصدت بس انا لو مكانك ما اقدر اسوي شي!!
بوصابر: ايي ما عليه وقت الصجية الدياية تنقلب اسد..المشكلة ان ام سعود طلعت علي علوقه إني خلود المسعور..وانا ما افتكيت من العلوقه الا لما ثمنو بيتنا وطلعنا من الفريح..
انا: انزين حجي ميخالف بس ابي اعرف انت لو ملحق على ايامنا هذه وكنت صغير تستانس يعني ايامكم بالفريج اونس من الحين؟
بوصابر: انا قبل اطلع من الصبح اروح المدرسة والظهر انحكر بالبيت لأن الطنطل وحمارة القايله موجودين بالفريج هذا غير ان امي ناطرتنا بالحوش اللي يوطوط تحش ريله وتجحشه بعصاية يدي..كنت انام غصب بعد الموّش وطاسة اللبن..العصر عقب الصلاة العب براس العاير مع الصبيان ومن يصير المغرب نصلي بالمسجد مع ابوي والرياييل وبعدها نروح سينما سلوم العظم ونشوف لنا فيلم فاتن حمامة او فيلم كاوبوي وكانت الدخلة بـ 100 فلس!!
انا: تذكرة سينما بـ 100 فلس صج كانت ايامك ايام عز اللي الـ 100 يسوى!! مو الحين حجي الحين انا وزوجتي بس نبي نحصل كرسييين لو تحت الشاشة ما تحصل وفوق هذا التذكرة بـ 3 ويقولون ان احتمال تصير بـ 5 هذا غير الاكل والشرب داخل السينما يعني انت بتدفع 10 وانت تضحك!!
بوصابر: ايامنا كانت الديرة امان اليهال بالسكة حتى لو راحو فريج موسى بوتيله او فريج حمود بوراس عادي صج نرد البيت مفلعين ومطقوقين ومشققة هدومنا بس ضامنين نرد البيت..الحين الحوش اللي اهو الحوش تخاف تروح تقعد فيه بروحك..المدرسة اللي اهي المدرسة تخاف تودي ولدك ولا بنتك له!!
انا: صدقتك يا حجي انزين حجي أذن شرايك عقب الصلاة نكمل...
بوصابر: انت تصلي زين!!
انا: ليش حجي شايف على يبهتي نقطة حمرا ولا شنو؟
بوصابر: اسمح لي وانا ابوك بس شباب اهالوقت مو فاضين حتى الصلاة ما يلتزمون فيها الا برمضان!!
انا: لا حجي ميخالف ترا في شباب ملتزمة بالعبادة والصلاة..
الجلب قبالي يا انه يعضني او اشقح الطوفه اللي وراي، كنت قصاصة "قصير القامة" المهم شسوي مو وقته يعضني ابي اعيد ولازم ارد البيت ومعاي الخبز ولا ابوي يغسلني وانا مو ناقص!! الجلب ينابح مو مخليني افكر بشي..ما اطولها عليك فكرت اصارخ لكن الصراخ ما راح اييب نتيجة لأني اساسا قاعد اصارخ طول ما اهو يلحقنيم افي احد بالفريج فكر حتى يطل منو هالياهل اللي يركض ووراه الجلب..
انا: انزين شسويت لايكون طرت!!
بوصابر: شنو اطير انا سوبر مان ولا الرجل الوطواط!! بصراحه انا قمت انابح بأقوى ما عندي انابح بويه الجلب اللي طقته البوهه ما ادري شفيه سكت وانا انابح قام الجلب هدني وركض بعيد وانا ظليت انابح ما رضيت اسكت ..قلبت جلب وقعدت ما سكت الا لما شفت ام سعود راعية الباجيلا مع ولدها اللي طقتهم البوهه "طقتهم البوهه أي اصابتهم الدهشة" ام سعود اخذت ولدها وانحاشت خافت قالت الظاهر هالولد مسكون او عاضه جلب وصار مسعور!!
انا: بصراحه اسمح لي حجي انا لو منك ادش بالطوفه ولا افكر باللي فكرت فيه انك تنابح!!
بوصابر: شنو ادش بالطوفه وين قاعدين توم جيري حضرتك..ايي يحق لك تتطنز انا الغلطان اسولف لك!!
انا: لا اسف حجي ما قصدت بس انا لو مكانك ما اقدر اسوي شي!!
بوصابر: ايي ما عليه وقت الصجية الدياية تنقلب اسد..المشكلة ان ام سعود طلعت علي علوقه إني خلود المسعور..وانا ما افتكيت من العلوقه الا لما ثمنو بيتنا وطلعنا من الفريح..
انا: انزين حجي ميخالف بس ابي اعرف انت لو ملحق على ايامنا هذه وكنت صغير تستانس يعني ايامكم بالفريج اونس من الحين؟
بوصابر: انا قبل اطلع من الصبح اروح المدرسة والظهر انحكر بالبيت لأن الطنطل وحمارة القايله موجودين بالفريج هذا غير ان امي ناطرتنا بالحوش اللي يوطوط تحش ريله وتجحشه بعصاية يدي..كنت انام غصب بعد الموّش وطاسة اللبن..العصر عقب الصلاة العب براس العاير مع الصبيان ومن يصير المغرب نصلي بالمسجد مع ابوي والرياييل وبعدها نروح سينما سلوم العظم ونشوف لنا فيلم فاتن حمامة او فيلم كاوبوي وكانت الدخلة بـ 100 فلس!!
انا: تذكرة سينما بـ 100 فلس صج كانت ايامك ايام عز اللي الـ 100 يسوى!! مو الحين حجي الحين انا وزوجتي بس نبي نحصل كرسييين لو تحت الشاشة ما تحصل وفوق هذا التذكرة بـ 3 ويقولون ان احتمال تصير بـ 5 هذا غير الاكل والشرب داخل السينما يعني انت بتدفع 10 وانت تضحك!!
بوصابر: ايامنا كانت الديرة امان اليهال بالسكة حتى لو راحو فريج موسى بوتيله او فريج حمود بوراس عادي صج نرد البيت مفلعين ومطقوقين ومشققة هدومنا بس ضامنين نرد البيت..الحين الحوش اللي اهو الحوش تخاف تروح تقعد فيه بروحك..المدرسة اللي اهي المدرسة تخاف تودي ولدك ولا بنتك له!!
انا: صدقتك يا حجي انزين حجي أذن شرايك عقب الصلاة نكمل...
بوصابر: انت تصلي زين!!
انا: ليش حجي شايف على يبهتي نقطة حمرا ولا شنو؟
بوصابر: اسمح لي وانا ابوك بس شباب اهالوقت مو فاضين حتى الصلاة ما يلتزمون فيها الا برمضان!!
انا: لا حجي ميخالف ترا في شباب ملتزمة بالعبادة والصلاة..
ليست هناك تعليقات:
إرسال تعليق