بوصابر: الزوج المدمغ "المدمغ يعني الغبي!!" اخذ زوجته وراحو احسن محل نفانيف بأسواق الكويت بشارع الجهرا، والزوجة طبعا استانست وحتى الزوج حس ان زوجته تغيرت صارت تضحك..
انا: خوش كلام وبعدين..
بوصابر: بعد شهر وبأحد الليالي رد الزوج من الديوانية ولا الزوجة قاعدة تبجي بجي كانها ياهل؟! شفيج يا مره صاير عيالي فيهم شي احد مات صار شي سمعتي خبر بالراديو ولا نشرة الاخبار؟!..لا سلامتك ابجي على حظي؟! افا والله افا ما هقيتها منج بيعيني بالسوق يا ام عيالي الغالية..اشتريك يا نظر عيني بس اللي صار لي ما اتمناه لا لعدو ولا صديج "صديج تساوي صديق" شلون يا مره علميني في احد من الجيران غلط عليج؟! لا لا الجيران والنعم فيهم انا كنت رايحه خطبة بنت بنت خالتي سعادوه العوبه وهناك الحريم تطنزو علي وعليك!! ليش شقالو..يقولون انك بخيل وما تندي "تندي تعني ما تصرف" اووف وليش قالو هالكلام..؟ انا دافعت عنك انت ابوعيالي ما ارضى عليك بس مسكو علي ان جنطتي قديمة وما عندي سياره مثل باقي الحريم..شلون يعني شفيها جنطتج؟! الحريم يقولون ان هالجنطة يا ام فلان شايفينها عليج من عيد لعيد ما شريتي غيرها..وما عمرج قلتي لنا تعالو ركبو سيارتي نروح جاي الضحى عند فلانه ولا علانه!! شفت يا ابو عيالي يعايروني الحريم إني ما عندي سيارة وجنطتي قديمة..!! يا الغالية مالج شغل فيهم هذيل ناس فاضية..لا لا انا ما ارضاها لا علي ولا عليك ترى كلام الحريم مثل السجاجين وينتشر بالفريج وذيج الساع ما تقدر تقولهم انتو جذابين!!
انا: حجي انت من صجك الحريم قبل يعايرون بعض على جنطه وسيارة؟!
بوصابر: يبا الحريم هالشي وارثينه من أيام حريم الانسان الأول..تلاقي حريم الانسان الاول ايام الكهف اللي تحصل عظمه الثانية تطفر تبي ريلها ينبش لها عظمه احلى من اللي عند رفيجتها عشان تعلقها شباصة ولا تتميلح فيها "التميلح أي المفاخرة بالذات".
انا: انزين وشنو سوا الزوج الغبي؟!
بوصابر: عن الغلط يا يبا هذا مهما يكون ولد رفيجي!!
انا: اسف الزوج الذكي الطيب!!
بوصابر: المهم الزوج وقتها ما كان عنده فلوس يشتري جنطه او حتى يتسلف فلوس سيارة يديدة..ومع هذا قرر الآتي يبيع سيارته ويشتري سيارة يديده يخليها عند مرته جم يوم وهو يدبر نفسه مع ربعه لغاية ما يقدر يشوف له سيارة على قده..اما موضوع الجنطه فطلب منها تنطر جم يوم لغاية المعاش ويروح معاها السوق..وطبعا من وقتها والمرة زادت حنه وبجي كل يوم لغاية ما قدر يبيع سيارته ويشتري لها سيارة من الحفيز "الحفيز تعني الوكالة" اما على الجنطه فالظاهر ان زوجته نستها او أجلتها لأن السيارة غير نومنه..
انا: حجي قبل جم أسعار السيارات غالية وكان في اقساط؟
بوصابر: يا ولدي انا كان عندي بوينتك قديمه وارثها من ابوي..وماكان في اقساط كان الواحد يتسلف من هالصوب وهالصوب ويشتري.
انا: انزين وبعدين شصار مع ولد رفيجك وزوجته؟
بوصابر: ها قلتي شنو صار؟! بعدين سنة تقريبا وكان الزوج راد من الدوام تعبان ويوعان اكتشف ان الزوجة ما سوت غدا ليش؟! كان مسيرة على جارتها بجاي الضحى وسمعت سوالف الحريم وما طبخت..انزين شلون الحين خلاص نطلع نتغدا بره..طبعا الزوج اليوعان كان يهمه بذاك الوقت بطنه اخذ العيال والزوجه وطلعو بالسيارة وتغدو وبالطريج الزوجة قالت لزوجها ابي اسألك براس عيالك؟ شنو تفضلي ..انت بتعرس هالاسبوع علي صح؟! شنو انا ابي اتزوج واعرس عليج من قال؟! الحريم بالفريج شايفينك رايح السوق سوق الذهب وكان معاك حريم بمحل الذهب؟ اعترف ليش ساكت!! خافي ربج يا مره وبعيالج انا ماني متزوج ولا ابي اتزوج عليج!! لا لا انت تقص علي الحريم شايفينك حتى دفعت فلوس لراعي المحل!! انا متى هالكلام صار يبا انا دوامي بآخر الكويت بالأحمدي وين اروح سوق الذهب..والعصر انا ببيت ابوي مجابله وبالليل انا بالديوانية او معاكم بالبيت..متى تزوجت او رحت سوق الذهب..بعدين انا فلوس جقاير ما عندي هالمرة اشتري ذهب واتزوج!! "جقاير تعني سجائر".
انا: حجي وشصار..حجي شفيك..
بوصابر: ها لا ما عليه سرحت شوي بسالفه ثانية...المهم وين وصلنا؟! ايي الزوج طول الطريج يحلف براسه وبراس عياله وبصلاة امه وابوه انه ما دخل سوق الذهب من ايام ما باعو مضاعد أمه لأنها تبي تشتري ماجلة رمضان وتبي تعزم الناس على سلامة اخوي اللي تكرفس من فوق السطح ما تذكرين؟! "تكرفس أي تعثر"...مالي شغل انت راح تعرس علي وما راح اصدق الا اذا حجزت لنا انا وعيالي وانت معانا ورحنا مصر!!
انا: حجي العفو تبي جاي او راس قدو؟
بوصابر: ايي يا ولدي اذاما عليك امر قول لعرب واحد جاي وراس قدو..
انا : عرب واحد جاي حق عمك بوصابر وراس قدو وواحد جاي حليب..كمل بوصابر.
بوصابر: اقولك الزوج ما عنده فلوس وراح حق اهله وربعه وتسلف من مديره بالدوام حتى مشتاق راعي السمبوسه بالفريج أخذ منه جم دينار سلف!! ولغاية ما دبر فلوس التذاكر ولا تزعل زوجته وتاخذ عياله وقشها وتروح بيت اهلها ذيج الساع تعال فجج.."قش تعني الاغراض والحاجيات"..
انا: بيه بيه لهالدرجة زعل الزوجة بذاك الوقت جايد؟!
بوصابر: شوف حريم قبل ما تطلع من البيت ولاترفع عيونها بعيون زوجها لكن عقب النفط صار زعل المرة ببيزة وتطلع وتبي رضاوتها "البيزة عملة قديمة رخيصة".
انا: انزين عسى سافرو وصج طلع متزوج!!
بوصابر: يبا هذا كيد حريم الريال مو متزوج ولا شي هذه سالفه قالت الزوجة اخدع الزوج عشان يبتلش ويسفرها مصر.
انا: لو هذه ملحقة على ايامنا جان قالت جزر الهاواي وبيت في لبنان!! كمل كمل.
بوصابر: المهم ردو من السفر وسوت عزيمة للحريم وقعدت توزع صوغة على الاكو والماكو وبعد العزيمة..قالها زوجها عسى استانستي؟ طبعا ماردت عليه ولا عطته ويه..!!
انا :ليش بعد شفيها؟!
بوصابر: تقول ان الحريم عايروها هالمرة ببيتها القديم وأثاثها اللي ما ينبلع!! الزوج شوي حس بضيجة وسألها "انزين والعمل..تبين ارمم البيت واجدد الاثاث" لا يا عيوني ليش تكلف على عمرك حبيبي نشتري بيت يديد وأثاث يديد بالعديلية ولا بالخالدية..بيت يديد ما عندي فلوس من وين لي انا تدرين فيني متسلف من نص الكويت وحتى بعد الظهر لغاية الليل اكد على تاكسي من وين لي!! يعني شلون الحريم احسن مني كل وحده بيت يديد وخدم وحشم وأثاث يلا من فضلك وانا جذيه ترضاها..لا ما ارضى بس الله ما يرضى اعيش مديون واموت مديون!! لا يا عمري انت تبيع البيع والسيارة وتحن على امك تبيع البيع وتاخذ نصيبك من بيت ابوك الله يرحمه وبحذيه يتحسن الحال ونشتري البيت وتدفع ديونك شقلت!!..يا حبيبتي امي وين بتسكن اذا بعنا البيت اخواني كلهم متزوجين وقاعدين عند بيوت حريمهم وانا الكبير ما يصير وين اوديها..انا احطها بعيوني تقعد عندنا تونس العيال..
انا : حجي انت تشوف مسلسلات رمضان؟!
بوصابر : ليش؟!
انا " ها ولا شي بس اقول ولا اقولك كمل كمل!!!
بوصابر: فعلا باع بيت ابوه واخذ الحلال واشترى لزوجته بيت في الشويخ..وبعد مدة كبر الزوج وما عاد مثل اول اما الزوجة فكانت تجمع فلوس وشرت لها جم محل وشقة بمصر..وتسافر كل صيف مع عيالها والزوج يحوس يطلع جم فلس لزوم السفر..
انا: مسكين حالته كل مو شي!!
بوصابر: طبعا الزوج خسر ربعه اهله وظيفته وصحته حتى عياله ما قام يشوفهم وكل ما الزوجة تبي شي تطلب منه وتقوله انت ملزوم تصرف علي وعلى عيالك والزوج ما فيه شده بالاخير لما عجز فكر انه يبوق!!
انا: حجي شنو يبوق احنا وين قاعدين بمسلسل!!
بوصابر: الا ألعن من المسلسلات..تصدق راح باق محل أجهزة كهربائية وياب لزوجته الفلوس والزوجة طارت فيهم لبنان اما الزوج صادوه..وسجنوه وبعد فترة طلبت الزوجة الطلاق وفعلا طلقها القاضي..شفت يا ولدي كل هذا عشان اشترى لها دلاق!!
انا: حجي شدعوه دلاق جذيه يسوي؟؟!
بوصابر" بلاك ما تدري صحيح الزمن تغير بس الحريم يظلون حريم وفي رياييل وايد عقولهم صغيرة وعلى باله الحب انه يشتري كل شي تبيه الزوجة..عشان جذيه لا تفكر تشتري دلاق لزوجتك اذا تبي خلها تروح السوق تشتري بنفسها..
انا : اكلم نفسي "اللي قاله الحجي يخليني اروح عند فجر السعيد او نايف الراشد ونسوي مسلسل اسمه "دلاقات العمر"!!
انا: خوش كلام وبعدين..
بوصابر: بعد شهر وبأحد الليالي رد الزوج من الديوانية ولا الزوجة قاعدة تبجي بجي كانها ياهل؟! شفيج يا مره صاير عيالي فيهم شي احد مات صار شي سمعتي خبر بالراديو ولا نشرة الاخبار؟!..لا سلامتك ابجي على حظي؟! افا والله افا ما هقيتها منج بيعيني بالسوق يا ام عيالي الغالية..اشتريك يا نظر عيني بس اللي صار لي ما اتمناه لا لعدو ولا صديج "صديج تساوي صديق" شلون يا مره علميني في احد من الجيران غلط عليج؟! لا لا الجيران والنعم فيهم انا كنت رايحه خطبة بنت بنت خالتي سعادوه العوبه وهناك الحريم تطنزو علي وعليك!! ليش شقالو..يقولون انك بخيل وما تندي "تندي تعني ما تصرف" اووف وليش قالو هالكلام..؟ انا دافعت عنك انت ابوعيالي ما ارضى عليك بس مسكو علي ان جنطتي قديمة وما عندي سياره مثل باقي الحريم..شلون يعني شفيها جنطتج؟! الحريم يقولون ان هالجنطة يا ام فلان شايفينها عليج من عيد لعيد ما شريتي غيرها..وما عمرج قلتي لنا تعالو ركبو سيارتي نروح جاي الضحى عند فلانه ولا علانه!! شفت يا ابو عيالي يعايروني الحريم إني ما عندي سيارة وجنطتي قديمة..!! يا الغالية مالج شغل فيهم هذيل ناس فاضية..لا لا انا ما ارضاها لا علي ولا عليك ترى كلام الحريم مثل السجاجين وينتشر بالفريج وذيج الساع ما تقدر تقولهم انتو جذابين!!
انا: حجي انت من صجك الحريم قبل يعايرون بعض على جنطه وسيارة؟!
بوصابر: يبا الحريم هالشي وارثينه من أيام حريم الانسان الأول..تلاقي حريم الانسان الاول ايام الكهف اللي تحصل عظمه الثانية تطفر تبي ريلها ينبش لها عظمه احلى من اللي عند رفيجتها عشان تعلقها شباصة ولا تتميلح فيها "التميلح أي المفاخرة بالذات".
انا: انزين وشنو سوا الزوج الغبي؟!
بوصابر: عن الغلط يا يبا هذا مهما يكون ولد رفيجي!!
انا: اسف الزوج الذكي الطيب!!
بوصابر: المهم الزوج وقتها ما كان عنده فلوس يشتري جنطه او حتى يتسلف فلوس سيارة يديدة..ومع هذا قرر الآتي يبيع سيارته ويشتري سيارة يديده يخليها عند مرته جم يوم وهو يدبر نفسه مع ربعه لغاية ما يقدر يشوف له سيارة على قده..اما موضوع الجنطه فطلب منها تنطر جم يوم لغاية المعاش ويروح معاها السوق..وطبعا من وقتها والمرة زادت حنه وبجي كل يوم لغاية ما قدر يبيع سيارته ويشتري لها سيارة من الحفيز "الحفيز تعني الوكالة" اما على الجنطه فالظاهر ان زوجته نستها او أجلتها لأن السيارة غير نومنه..
انا: حجي قبل جم أسعار السيارات غالية وكان في اقساط؟
بوصابر: يا ولدي انا كان عندي بوينتك قديمه وارثها من ابوي..وماكان في اقساط كان الواحد يتسلف من هالصوب وهالصوب ويشتري.
انا: انزين وبعدين شصار مع ولد رفيجك وزوجته؟
بوصابر: ها قلتي شنو صار؟! بعدين سنة تقريبا وكان الزوج راد من الدوام تعبان ويوعان اكتشف ان الزوجة ما سوت غدا ليش؟! كان مسيرة على جارتها بجاي الضحى وسمعت سوالف الحريم وما طبخت..انزين شلون الحين خلاص نطلع نتغدا بره..طبعا الزوج اليوعان كان يهمه بذاك الوقت بطنه اخذ العيال والزوجه وطلعو بالسيارة وتغدو وبالطريج الزوجة قالت لزوجها ابي اسألك براس عيالك؟ شنو تفضلي ..انت بتعرس هالاسبوع علي صح؟! شنو انا ابي اتزوج واعرس عليج من قال؟! الحريم بالفريج شايفينك رايح السوق سوق الذهب وكان معاك حريم بمحل الذهب؟ اعترف ليش ساكت!! خافي ربج يا مره وبعيالج انا ماني متزوج ولا ابي اتزوج عليج!! لا لا انت تقص علي الحريم شايفينك حتى دفعت فلوس لراعي المحل!! انا متى هالكلام صار يبا انا دوامي بآخر الكويت بالأحمدي وين اروح سوق الذهب..والعصر انا ببيت ابوي مجابله وبالليل انا بالديوانية او معاكم بالبيت..متى تزوجت او رحت سوق الذهب..بعدين انا فلوس جقاير ما عندي هالمرة اشتري ذهب واتزوج!! "جقاير تعني سجائر".
انا: حجي وشصار..حجي شفيك..
بوصابر: ها لا ما عليه سرحت شوي بسالفه ثانية...المهم وين وصلنا؟! ايي الزوج طول الطريج يحلف براسه وبراس عياله وبصلاة امه وابوه انه ما دخل سوق الذهب من ايام ما باعو مضاعد أمه لأنها تبي تشتري ماجلة رمضان وتبي تعزم الناس على سلامة اخوي اللي تكرفس من فوق السطح ما تذكرين؟! "تكرفس أي تعثر"...مالي شغل انت راح تعرس علي وما راح اصدق الا اذا حجزت لنا انا وعيالي وانت معانا ورحنا مصر!!
انا: حجي العفو تبي جاي او راس قدو؟
بوصابر: ايي يا ولدي اذاما عليك امر قول لعرب واحد جاي وراس قدو..
انا : عرب واحد جاي حق عمك بوصابر وراس قدو وواحد جاي حليب..كمل بوصابر.
بوصابر: اقولك الزوج ما عنده فلوس وراح حق اهله وربعه وتسلف من مديره بالدوام حتى مشتاق راعي السمبوسه بالفريج أخذ منه جم دينار سلف!! ولغاية ما دبر فلوس التذاكر ولا تزعل زوجته وتاخذ عياله وقشها وتروح بيت اهلها ذيج الساع تعال فجج.."قش تعني الاغراض والحاجيات"..
انا: بيه بيه لهالدرجة زعل الزوجة بذاك الوقت جايد؟!
بوصابر: شوف حريم قبل ما تطلع من البيت ولاترفع عيونها بعيون زوجها لكن عقب النفط صار زعل المرة ببيزة وتطلع وتبي رضاوتها "البيزة عملة قديمة رخيصة".
انا: انزين عسى سافرو وصج طلع متزوج!!
بوصابر: يبا هذا كيد حريم الريال مو متزوج ولا شي هذه سالفه قالت الزوجة اخدع الزوج عشان يبتلش ويسفرها مصر.
انا: لو هذه ملحقة على ايامنا جان قالت جزر الهاواي وبيت في لبنان!! كمل كمل.
بوصابر: المهم ردو من السفر وسوت عزيمة للحريم وقعدت توزع صوغة على الاكو والماكو وبعد العزيمة..قالها زوجها عسى استانستي؟ طبعا ماردت عليه ولا عطته ويه..!!
انا :ليش بعد شفيها؟!
بوصابر: تقول ان الحريم عايروها هالمرة ببيتها القديم وأثاثها اللي ما ينبلع!! الزوج شوي حس بضيجة وسألها "انزين والعمل..تبين ارمم البيت واجدد الاثاث" لا يا عيوني ليش تكلف على عمرك حبيبي نشتري بيت يديد وأثاث يديد بالعديلية ولا بالخالدية..بيت يديد ما عندي فلوس من وين لي انا تدرين فيني متسلف من نص الكويت وحتى بعد الظهر لغاية الليل اكد على تاكسي من وين لي!! يعني شلون الحريم احسن مني كل وحده بيت يديد وخدم وحشم وأثاث يلا من فضلك وانا جذيه ترضاها..لا ما ارضى بس الله ما يرضى اعيش مديون واموت مديون!! لا يا عمري انت تبيع البيع والسيارة وتحن على امك تبيع البيع وتاخذ نصيبك من بيت ابوك الله يرحمه وبحذيه يتحسن الحال ونشتري البيت وتدفع ديونك شقلت!!..يا حبيبتي امي وين بتسكن اذا بعنا البيت اخواني كلهم متزوجين وقاعدين عند بيوت حريمهم وانا الكبير ما يصير وين اوديها..انا احطها بعيوني تقعد عندنا تونس العيال..
انا : حجي انت تشوف مسلسلات رمضان؟!
بوصابر : ليش؟!
انا " ها ولا شي بس اقول ولا اقولك كمل كمل!!!
بوصابر: فعلا باع بيت ابوه واخذ الحلال واشترى لزوجته بيت في الشويخ..وبعد مدة كبر الزوج وما عاد مثل اول اما الزوجة فكانت تجمع فلوس وشرت لها جم محل وشقة بمصر..وتسافر كل صيف مع عيالها والزوج يحوس يطلع جم فلس لزوم السفر..
انا: مسكين حالته كل مو شي!!
بوصابر: طبعا الزوج خسر ربعه اهله وظيفته وصحته حتى عياله ما قام يشوفهم وكل ما الزوجة تبي شي تطلب منه وتقوله انت ملزوم تصرف علي وعلى عيالك والزوج ما فيه شده بالاخير لما عجز فكر انه يبوق!!
انا: حجي شنو يبوق احنا وين قاعدين بمسلسل!!
بوصابر: الا ألعن من المسلسلات..تصدق راح باق محل أجهزة كهربائية وياب لزوجته الفلوس والزوجة طارت فيهم لبنان اما الزوج صادوه..وسجنوه وبعد فترة طلبت الزوجة الطلاق وفعلا طلقها القاضي..شفت يا ولدي كل هذا عشان اشترى لها دلاق!!
انا: حجي شدعوه دلاق جذيه يسوي؟؟!
بوصابر" بلاك ما تدري صحيح الزمن تغير بس الحريم يظلون حريم وفي رياييل وايد عقولهم صغيرة وعلى باله الحب انه يشتري كل شي تبيه الزوجة..عشان جذيه لا تفكر تشتري دلاق لزوجتك اذا تبي خلها تروح السوق تشتري بنفسها..
انا : اكلم نفسي "اللي قاله الحجي يخليني اروح عند فجر السعيد او نايف الراشد ونسوي مسلسل اسمه "دلاقات العمر"!!
نكمل باجر وسالفه يديدة من سوالف بوصابر
هناك تعليقان (2):
لووووووووووووووووووووووووووول
الصراحه اندمجت ومن الظحك يتني الوالده وطلت :d قعدت وقصيت عليها السالفه :]
عاد كلش ولا دلاقات العمر
بس الشايب غلطان مو كل الحريم جذي :d في حريم يترس عينهم علج لبان بس :d ويحوفون الريال ويقومون فيه جنه يايبلها سوق الذهب كله :d
بس تبي الصج والله هالمـــره عـــوبه @@ الله يعين ريلها
لعنبو دارها ما تقول هاك كله عطني ويبلي!!
الله يعين كل ريال مبتلش ومره صابره :]
يعطييك العافيه أخوي وعساك على القوة
ومبارك علييك الشهر
وينعاد علييك بالصحه والعافيه
وعلى طاري رمضان ما علييك امر نوعلنا شوي بأسئلة المسابقه ليش اني مو صوب الرياضه كلش وسألت أبوي يا قلبي بقق عيوني ودش بالاب توب وللحين ما شاف ولا واحد فيهم :]
فكسر خاطري وقتله خلاص مو لازم اعرفهم راحت عويناته يا قلبي :d
والله يتقبل طاعتك أخوي
السلام
شكرا جدا جدا على التفاعل مع سوالف بوصابر..
واوعدج اذا على الاسئلة راح تكون سهلة وقلت ابلش بالرياضة لأن الشي الوحيد اللي الكويتيين يقدرون يتكلمون فيه بكل ثقة...
تحياتي
إرسال تعليق